فیصل آباد، گلاب کے باغبانوں کو30ستمبر تک آبپاشی کاوقفہ 8سے10 دن تک بڑھانے کی ہدایت

جمعہ 19 ستمبر 2025 13:50

فیصل آباد (اُردو پوائنٹ اخبارتازہ ترین - اے پی پی۔ 19 ستمبر2025ء) جامعہ زرعیہ فیصل آباد کے شعبہ فلوریکلچرو ہارٹیکلچر کے ماہرین گلبانی وچمن آرائی نے باغبانوں کو گلاب کو کیڑوں سے محفوظ رکھنے کےلئے پانی کے سپرے کی ہدایت کی ہے اورکہاہے کہ وہ گلاب کی فصل کو جوؤں اور رس چوسنے والے کیڑوں کے حملہ سے محفوظ رکھنے کےلئے 4سے 5دن کے وقفہ سے پانی کا سپرے کریں تاکہ گلاب کو کسی بھی قسم کے نقصان سے بچایاجاسکے۔

انہوں نے کہاکہ گلاب کی پیوندکاری کیلئے نرسری میں روٹ سٹاک کو بھی چیک کرنا بہت ضروری ہے۔

(جاری ہے)

انہوں نے کہاکہ تنے کمزور محسوس ہونے کی صور ت میں کاشتکاراضافی کھاد کا چھٹا لگاکر فصل کی آبپاشی کریں اور روٹ سٹاک پر بھی ٹی بڈنگ کریں ۔ انہوں نے کہاکہ پودوں کی بروقت شاخ تراشی اور جڑی بوٹیوں کی تلفی سے بھی بہترین فصل کا حصول ممکن بنایا جا سکتا ہے۔ انہوں نے کہاکہ اگر فصل پر بظاہر کوئی منفی اثرات مشاہدے میں نہ آئیں تو 30ستمبر تک پانی کاوقفہ 8سے10دن تک بھی بڑھایا جاسکتاہے۔ انہوں نے کہاکہ اگر نقصان دہ کیڑوں کاحملہ ہو جائے تو اس صورت میں 20کلوگرام امیڈا کلوپرڈ کو 100لیٹر پانی میں ملا کر سپرے کرنے سے مالی نقصان سے بچا جا سکتاہے۔