بنوں: اکرم خان درانی سکول اینڈ کالج کے ہونہار طالبعلم محمد نعمان نے انٹرمیڈیٹ میں نمایاں کامیابی حاصل کی

جمعہ 19 ستمبر 2025 20:27

بنوں (اُردو پوائنٹ اخبارتازہ ترین - آن لائن۔ 19 ستمبر2025ء) اکرم خان درانی سکول اینڈ کالج کے ہونہار طالبعلم محمد نعمان ولد سیف الرحمان نے انٹرمیڈیٹ (HSSC) 2025 کے سالانہ امتحانات میں پری انجینئرنگ گروپ میں شاندار کارکردگی کا مظاہرہ کرتے ہوئے 1045 نمبر حاصل کییاوربورڈ آف انٹرمیڈیٹ اینڈ سیکنڈری ایجوکیشن بنوں میں دوسری پوزیشن اپنے نام کر لی۔

(جاری ہے)

اس کامیابی پر ادارے کے پرنسپل پروفیسر ڈاکٹر رخسار خان نے میڈیا سے گفتگو کرتے ہوئے کہا کہ یہ کامیابی صرف طالبعلم کی محنت کا نتیجہ نہیں بلکہ ادارے کی معیاری تدریسی حکمت عملی، تجربہ کار اساتذہ اور بہترین تعلیمی ماحول کا عکاس ہے۔

انہوں نے کہا کہ محمد نعمان جیسے طلبہ ادارے کے لیے سرمایہ افتخار ہیں، اور ادارہ مستقبل میں بھی طلبہ کو نصابی تعلیم کے ساتھ ساتھ اخلاقی تربیت اور تخلیقی صلاحیتوں کے فروغ کے لیے کوشاں رہے گا۔محمد نعمان نے اپنی کامیابی کو والدین کی دعا، اساتذہ کی رہنمائی اور اپنی مستقل مزاجی کا ثمر قرار دیا۔ اکرم خان درانی کالج کی یہ شاندار کامیابی پورے جنوبی اضلاع کے لیے ایک مثبت تعلیمی پیغام ہے۔