اسپین کے سابق ٹینس چیمپئن رافیل نڈال کے نام پر فراڈ ہونے لگا

بدھ 24 ستمبر 2025 22:01

میڈرڈ(اُردو پوائنٹ اخبارتازہ ترین - آن لائن۔ 24 ستمبر2025ء)اسپین کے سابق ٹینس چیمپئن رافیل نڈال کے نام پر فراڈ ہونے لگا ہے جس کے بارے میں انہوں نے خود ہی لوگوں کو خبردار کردیا ہے۔

(جاری ہے)

39 سالہ رافیل نڈال نے کہا ہے کہ میرے نام پر اے آئی (آرٹیفشل انٹیلیجنس) ویڈیوز کے ذریعے سرمایہ کاری کی تجاویز دی جارہی ہیں، یہ دھوکا دہی کے لیے اشتہار ہیں جن سے محتاط رہا جائے۔ان کا کہنا ہے کہ میں نے اس مواد کے لیے کسی معاہدہ نہیں کیا ہے۔واضح رہے کہ دنیا بھر میں مشہور شخصیات کی ایسی جعلی ویڈیوز پہلے بھی کئی مرتبہ سامنے آچکی ہیں۔