Live Updates

ایشیا کپ 2025، پاک سری لنکا میچ میں شاہین آفریدی کی دوسری وکٹ، دلچسپ ویڈیو وائرل

بدھ 24 ستمبر 2025 14:19

ابوظبی(اُردو پوائنٹ اخبارتازہ ترین - این این آئی۔ 24 ستمبر2025ء) ایشیا کپ 2025 میںپاک سری لنکا میچ میں شاہین آفریدی کی دوسری وکٹ کی دلچسپ ویڈیو وائرل ہوگئی ۔تفصیلات کے مطابق ایشیا کپ 2025کے سپر فور مرحلے میں پاکستان نے سری لنکا کو 5 وکٹوں سے شکست دے دی۔ پاکستان نے 133 رنز کا ہدف 18 اوورز میں 5 وکٹوں کے نقصان پر پورا کیا۔

(جاری ہے)

میچ کا آغاز پہلے اوور میں سری لنکا کے اوپنر کوشل مینڈس کی پہلی وکٹ گرنے سے ہوا جو فاسٹ بالر شاہین شاہ آفریدی کی بال پر بغیر کوئی رن بنائے کیچ آؤٹ ہوئے۔

سری لنکا کی دوسری وکٹ بھی زیادہ دیر ٹھہر نہ سکی اور پتھم نسانکا جنہوں نے شاہین شاہ آفریدی کے دوسرے اوور میں ان کو چھکا تو مارا تھا لیکن اگلی ہی گیند پر وکٹ کیپر کے ہاتھوں کیچ آؤٹ ہوکر پویلین لوٹ گئے اوراس کی ویڈیو وائرل ہوگئی ۔ یادرہے کہ میچ میں پاکستان کی جانب سے شاہین شاہ آفریدی نے 3 کھلاڑیوں کو آؤٹ کیا۔ حسین طلعت اور حارث رؤف نے 2، 2 اور ابرار احمد نے 1 وکٹ حاصل کی۔