چاند پر خلاباز اگلے سال بھیجے جائیں گے، ناسا نے بتا دیا

ہم اپنے اس عزم کو برقرار رکھنے کا ارادہ رکھتے ہیں،ناساآفیسر

بدھ 24 ستمبر 2025 15:12

چاند پر خلاباز اگلے سال بھیجے جائیں گے، ناسا نے بتا دیا

نیویارک (اُردو پوائنٹ اخبارتازہ ترین - این این آئی۔ 24 ستمبر2025ء)نیشنل ایروناٹکس اینڈ اسپیس ایڈمنسٹریشن (ناسا)نے کہا ہے کہ 2026 کے آغاز تک چاند کے مدار میں خلاباز بھیجے گا۔مختلف وجوہات کے باعث ناسا کے انسان بردار مشن آرٹیمس 2 میں تاخیر ہوئی جو کہ 3 امریکی اور ایک کینیڈین خلاباز پر مشتمل ہے اور ادارے نے اب اپنے اس مشن کو اگلے سال اپریل تک چاند پر بھیجنے کا فیصلہ کیا ہے۔

(جاری ہے)

ناسا کے ایک آفیسر لکیشا ہاکنز نے ایک پریس بریفنگ میں کہا کہ ہم اپنے اس عزم کو برقرار رکھنے کا ارادہ رکھتے ہیں۔یہ نصف صدی سے زائد عرصے میں چاند کے گرد چکر لگانے والا پہلا انسان بردار مشن ہوگا لیکن یہ مشن چاند پر اترے گا نہیں کیونکہ چاند پر اترنے کے لیے آرٹیمس 3 کو بھیجا جائے گا۔ناسا کا آرٹیمس پروگرام انسانوں کو چاند پر واپس بھیجنے کی امید رکھتا ہے۔