فٹ ویئرصنعت کی ترقی کے وسیع امکانات موجود ہیں،اس سے منسلک صنعتی شعبہ کو مواقع سے بھرپور فائدہ اٹھانا چاہیے،نائب صدر فیصل آباد چیمبر

جمعہ 26 ستمبر 2025 12:52

فیصل آباد (اُردو پوائنٹ اخبارتازہ ترین - اے پی پی۔ 26 ستمبر2025ء) ملکی و بین الاقوامی سطح پرٹیکسٹائل کے بعد فٹ ویئر کی صنعت کی ترقی کے وسیع امکانات موجود ہیں لہٰذا فٹ ویئر انڈسٹری سے منسلک صنعتی و کاروباری شعبہ کو مذکورہ مواقع سے بھرپور فائدہ اٹھانا چاہیے تاکہ نہ صرف ملکی بلکہ بین الاقوامی سطح پر بھی انہیں اپنے کاروبار کو وسیع کرنے کی سہولت دستیاب ہو سکے۔

فیصل آباد چیمبر آ ف کامرس اینڈ انڈسٹری کے نائب صدرشاہد ممتازنے کہا کہ فیصل آباد سے ٹیکسٹائل کے بعد فٹ ویئر کی صنعت کی ترقی کے وسیع امکانات موجود ہیں تاہم اس شعبہ کے مسائل کے حل اور مقامی تاجروں کوبین الاقوامی منڈیوں تک رسائی کیلئے فوری طور پر چیمبر کی ممبرشپ لینا ہوگی۔انہوں نے کہا کہ ٹیکسٹائل کی طرح فٹ ویئر کو بھی ہماری ملکی تجارت میں اہم حیثیت حاصل ہے مگر مطلوبہ سہولیات کی عدم دستیابی کی وجہ سے اس کی ترقی کی رفتار تسلی بخش نہیں رہی۔

(جاری ہے)

انہوں نے چیمبر کو شہر کی تمام کاروباری اور تجارتی تنظیموں کی ماں قرار دیا اور کہا کہ وہ چیمبرکے ممبربن کر نہ صرف اپنے ملکی مسائل کے حل کیلئے اس اہم ترین پلیٹ فارم کی سہولت سے فائدہ اٹھا سکتے ہیں بلکہ اس کے ذریعے بیرون ملک تجارتی نمائشوں اور ویزوں کے اجراسمیت بیرون ملک پاکستانی وفود بھی بھیجے جا سکتے ہیں۔انہوں نے کہا کہ کاروباری و تاجر افرادفیصل آباد چیمبر آف کامرس کے ممبر بن کر بیرون ملک تجارتی نمائشوں میں شرکت اور ویزوں کے حصول سمیت پاکستانی وفود کے ہمراہ بیرون ممالک کے کاروباری دورے بھی کرسکتے ہیں۔

Facebook Twitter Google + Share on Whatsapp

فٹ ویئرصنعت کی ترقی کے وسیع امکانات موجود ہیں،اس سے منسلک صنعتی شعبہ کو مواقع سے بھرپور فائدہ اٹھانا چاہیے،نائب صدر فیصل آباد چیمبر

متعلقہ عنوان :

مزید تجارتی خبریں