آئی جی پنجاب سے پولیس ملازمین اور ان کے اہلخانہ کی ملاقات،مسائل کے فوری حل کے لئے احکامات جاری کئے

جمعہ 26 ستمبر 2025 20:00

لاہور (اُردو پوائنٹ اخبارتازہ ترین - اے پی پی۔ 26 ستمبر2025ء) انسپکٹر جنرل پولیس پنجاب ڈاکٹر عثمان انور سے پولیس ملازمین اور ان کے اہل خانہ نے سنٹرل پولیس آفس لاہور میں ملاقات کی۔ آئی جی پنجاب نے پولیس ملازمین کے مسائل سنے اور فوری ریلیف کے لیے متعلقہ افسران کو احکامات جاری کیے۔

(جاری ہے)

تفصیلات کے مطابق، ڈی ایس پی نصراللہ بھٹی کی تبادلے کی درخواست پر ڈی آئی جی ہیڈ کوارٹرز کو ریلیف دینے کی ہدایت کی گئی۔

کانسٹیبل محمد عمیر کی مالی امداد کی درخواست پر ایڈیشنل آئی جی ویلفیئر اینڈ فنانس کو ریلیف دینے کی ہدایت کی گئی۔ اسی طرح سائل حبیب الرحمن کی والد کو شہید قرار دینے کی درخواست پر بھی ایڈیشنل آئی جی ویلفیئر اینڈ فنانس کو ریلیف دینے کی ہدایت کی گئی۔ آئی جی پنجاب نے ڈسپلن، ایڈمن، پروموشن اور ویلفیئر سے متعلقہ دیگر درخواستوں پر بھی فوری احکامات جاری کیے۔