سپیکر قومی اسمبلی سردار ایاز صادق نے پارلیمانی رہنماؤں کا اجلاس طلب کرلیا

ہفتہ 27 ستمبر 2025 17:20

اسلام آباد (اُردو پوائنٹ اخبارتازہ ترین - اے پی پی۔ 27 ستمبر2025ء) سپیکر قومی اسمبلی سردار ایاز صادق نے پارلیمانی رہنماؤں کا اجلاس طلب کر لیا۔ ہفتہ کو قومی اسمبلی سیکرٹریٹ کی جانب سے جاری بیان کے مطابق اجلاس 29 ستمبر شام چار بجے سپیکر سردار ایاز صادق کی زیر صدارت پارلیمنٹ ہاؤس میں ہوگا، سپیکر سردار ایاز صادق کی زیر صدارت اجلاس میں قومی اسمبلی اجلاس کی حکمت عملی طے کی جائیگی ۔

(جاری ہے)

سپیکر قومی اسمبلی سردار ایاز صادق نے کہا کہ اجلاس کے دوران قومی اسمبلی میں زیر غور آنے والے اہم معاملات پر مشاورت ہوگی،اجلاس میں شرکت کےلئے تمام پارلیمانی سربراہان کو آگاہ کردیا گیا ہے۔