ہم جنس پرستی اور دیگر الزامات پر رجب بٹ کا ردعمل آگیا

میڈیا اور پوڈکاسٹرز ایسے جھوٹے دعوؤں کو غیرضروری اہمیت دے کر میرے خلاف منفی تاثر پیدا کر رہے ہیں؛ یوٹیوبر کا مؤقف

ساجد علی منگل 30 ستمبر 2025 13:17

ہم جنس پرستی اور دیگر الزامات پر رجب بٹ کا ردعمل آگیا

لاہور ( اُردو پوائنٹ اخبارتازہ ترین۔ 30 ستمبر2025ء ) یوٹیوبر اور ٹک ٹاکر رجب بٹ نے ہم جنسی پرستی اور دیگر الزامات پر ردعمل دے دیا۔ تفصیلات کے مطابق رجب بٹ نے اپنے ایک بیان میں ایسے تمام الزامات کی سختی سے تردید کی ہے، اس حوالے سے انہوں نے کہا کہ فاطمہ خان کے بیانات سراسر بے بنیاد ہیں اور ان میں کوئی حقیقت نہیں، میڈیا اور پوڈکاسٹرز ایسے جھوٹے دعوؤں کو غیر ضروری طور پر اہمیت دے کر میرے خلاف منفی تاثر پیدا کر رہے ہیں۔

قبل ازیں ٹک ٹاکر فاطمہ خان نے رجب بٹ پر سنگین الزامات عائد کرتے ہوئے دعویٰ کیا تھا کہ رجب بٹ نے شادی کے جھوٹے وعدوں سے دھوکہ دیا، اس کے علاوہ رجب بٹ کے ناصرف متعدد خواتین کے ساتھ تعلقات ہیں بلکہ وہ اپنے قریبی مرد دوستوں کے ساتھ بھی غیرمناسب تعلقات رکھتے ہیں، اس حوالے سے ویڈیوز موجود ہیں جن کو ثبوت کے طور پر کسی بھی سامنے لایا جاسکتا ہے۔

(جاری ہے)

فاطمہ خان نے کہا کہ رجب بٹ سے میری پہلی ملاقات ایک مشترکہ دوست کے ذریعے ہوئی، جس نے مجھے بہن کے طور پر متعارف کرایا، جس کے بعد رجب بٹ نے مجھے قیمتی تحائف دیئے جن میں 39 لاکھ روپے مالیت کی گھڑی بھی شامل ہے، رجب بٹ شراب نوشی کے عادی ہیں، وہ اپنی غلط کاریوں میں نہ عمر اور نہ ہی جنس دیکھتے ہیں، متعدد خواتین کو استعمال کرچکے ہیں اور اکثر نشے کی حالت میں انہوں نے ان پر تشدد بھی کیا۔

یہاں قابل ذکر بات یہ ہے کہ کچھ عرصہ قبل رجب بٹ کے قریبی دوستوں حیدر شاہ، مان ڈوگر اور شہزی کی نازیبا ویڈیوز سوشل میڈیا پر زیر گردش رہیں، جن میں انہیں برہنہ حالت میں دیکھا گیا، اس سلسلے میں دعویٰ کیا گیا کہ لیک ہونے والی ویڈیو کالز میں سے ایک میں حیدر شاہ براہِ راست رجب بٹ کے ساتھ رابطے میں تھے اور انھیں اپنا جسم دکھا رہے تھے۔ یہ معاملہ سامنے آنے پر رجب بٹ اور ان کے دوستوں نے مؤقف دیتے ہوئے کہا تھا کہ ہمارے موبائل ڈیٹا کو ہیک کرکے یہ مواد پھیلایا گیا ہے، یہ ویڈیوز ہماری مرضی کے بغیر وائرل کی گئیں اور ایسا کرنے والے کا مقصد صرف ہمیں بدنام کرنا ہے۔