ذ*ایل ڈی اے ہیڈآفس جوہرٹائون میں عظیم الشان محفلِ میلادِمصطفیؐ کاانعقاد

٪وزیر ہائوسنگ بلال یاسین اوروائس چیئرمین ایل ڈی اے نے قرعہ اندازی کے ذریعے 6خوش قسمت ملازمین کو عمرے کے ٹکٹ دئیے )ایل ڈی ملازمین اپنی چھت،اپنا گھر پروگرام کے تحت 15 لاکھ تک بلاسود قرضہ حاصل کرسکیں گے، وزیر ہاؤسنگ بلال یاسین

بدھ 1 اکتوبر 2025 20:15

qلاہور (اُردو پوائنٹ اخبارتازہ ترین - آن لائن۔ 01 اکتوبر2025ء) ایل ڈی اے ورکرزیونین کے زیراہتمام ایل ڈی اے ہیڈآفس جوہرٹائون میں عظیم الشان محفلِ میلادِمصطفیؐ کا انعقاد کیا گیا۔ محفل میلاد میں وزیر ہائوسنگ اینڈ اربن ڈویلپمنٹ بلال یاسین، وائس چیئرمین ایل ڈی اے میاں مرغوب احمد، ایم پی اے سید توصیف شاہ، ایم پی اے ملک شہباز کھوکھر، صدر لاہور پریس کلب ارشد انصاری،اے ڈی جی ہیڈکوارٹرز رابعہ ریاست ودیگرایل ڈی اے افسران بھی شریک تھے۔

تقریب کی صدارت ایل ڈی اے ورکرزیونین کے صدرکاشف گجر، جنرل سیکرٹری شاہد باقر اور عابد خیالی نے کی۔ اس موقع پر وزیر ہائوسنگ بلال یاسین اور وائس چیئرمین ایل ڈی اے میاں مرغوب احمد نے قرعہ اندازی کی۔ قرعہ اندازی کے ذریعے 6خوش قسمت ملازمین کو عمرے کے ٹکٹ دیئے گئے۔

(جاری ہے)

قرعہ اندازی میں سکیل 1 سے سکیل 16 تک کے ریگولر ملازمین اورڈیلی ویجز ملازمین کو شامل کیاگیا۔

محفل میلاد میں نعت خوان نے حضور اکرمﷺ کی شان میں گل ہائے عقیدت پیش کئے۔ اس موقع پر گفتگو کرتے ہوئے وزیر ہاؤسنگ پنجاب بلال یاسین نے کہاکہ ایل ڈی ملازمین اپنی چھت،اپنا گھر پروگرام کے تحت 15 لاکھ تک بلاسود قرض حاصل کرسکیں گے۔ ایل ڈی اے ملازمین کے جائز مطالبات اور ویلفیئر کے اقدامات یقینی بنائیں گے۔تقریب میں ایل ڈی اے ملازمین نے بڑی تعداد میں شرکت کی