سعودی نائب وزیرخارجہ سے العلا میں امریکی اہلکار کی ملاقات،علاقائی اور بین الاقوامی صورتحال بارے تبادلہ خیال

جمعرات 2 اکتوبر 2025 08:30

ریاض (اُردو پوائنٹ اخبارتازہ ترین - اے پی پی۔ 02 اکتوبر2025ء) سعودی نائب وزیرخارجہ انجینیئر ولید بن عبدالکریم الخریجی سے العلا میں امریکی سٹیٹ ڈیپارٹمنٹ میں مشرق قریب، مشرق وسطی اور شمالی افریقہ کے امور کے بیورو کی سینیئرعہدیدار ماورا نامدار نے ملاقات کی۔ایس پی اے کے مطابق میونخ لیڈرز میٹنگ کے موقع پر ہونے والی ملاقات میں سعودی عرب اور امریکا کے درمیان تعلقات کا جائزہ لیا گیا۔

(جاری ہے)

باہمی دلچسپی کی علاقائی اور بین الاقوامی صورتحال اور اس حوالے سے کی جانے والی کوششوں پر تبادلہ خیال کیا گیا۔ یاد رہے امریکی اہلکار میونخ لیڈرز میٹنگ میں شرکت کے لیے سعودی عرب میں ہیں۔میونخ سکیورٹی کانفرنس جو 1963 میں قائم ہوئی تھی، سینئر حکومتی عہدیداروں، سکیورٹی رہنماوں اور پالیسی ماہرین کو بین الاقوامی سلامتی اور خارجہ پالیسی کے امور پر تبادلہ خیال کےلیے جمع کرتی ہے۔