پاکپتن، آوارہ کتوں کا حملہ، ڈی ایم ایس ہسپتال سمیت گیارہ افراد زخمی، مریم نوازنے رپورٹ طلب کرلی

ہفتہ 4 اکتوبر 2025 20:15

پاکپتن/لاہور (اُردو پوائنٹ اخبارتازہ ترین - این این آئی۔ 04 اکتوبر2025ء)پاکپتن میں کالج روڈ پر آوارہ کتوں کے حملے سے 11 افراد زخمی ہو گئے۔ہسپتال ذرائع کے مطابق کتوں کے کاٹنے سے ڈی ایم ایس ہسپتال ڈاکٹر عباس بھی زخمی ہوئے ہیں جنہیں ہسپتال منتقل کر دیا گیا ہے۔

(جاری ہے)

ذرائع نے کہا کہ زخمیوں میں بینک کا گارڈ اور خواتین بھی شامل ہیں، جنہیں ویکسین لگا دی گئی ہے۔دوسری جانب وزیراعلیٰ مریم نواز نے پاکپتن میں آوارہ کتوں کے کاٹنے کے واقعات کا نوٹس لیتے ہوئے کمشنر ساہیوال سے رپورٹ طلب کر لی۔