ثناء کا اپنے شوہر فیصل قریشی کو اشاروں پر نچانے کا کلپ وائرل،فیصل قریشی افسردہ

اتوار 5 اکتوبر 2025 11:15

کراچی (اُردو پوائنٹ اخبارتازہ ترین - این این آئی۔ 05 اکتوبر2025ء) شوبز انڈسٹری کے معروف اداکار فیصل قریشی کی اہلیہ ثنا کا کہنا ہے کہ وہ شوہر کو اشاروں پر نچاتی ہیں۔فوٹو اور ویڈیو شیئرنگ ایپ انسٹاگرام پر ثنا فیصل نے مزاحیہ ویڈیو شیئر کی اور کیپشن میں مسکرانے کی ایموجی بناتے ہوئے لکھا کہ میرے اشاروں پر نانچنے والا۔ویڈیو میں ثنا لپسنگ کرتے ہوئے فیصل قریشی کو بلاتی ہیں۔

وہ کہتی ہیں کہ ادھر آئو، مسکرا کر دکھائو، بائے کرو۔ پھر کہتی ہیں کہ دیکھ لیجئے آپ لوگ میں انہیں ایسے ہی اپنے اشاروں پر نچاتی ہوں۔ثنا کے یہ کہنے پر فیصل قریشی افسردہ ہوکر ہاں کہتے ہوئے سر ہلا دیتے ہیں۔انہوں نے چند گھنٹوں قبل یہ دلچسپ ویڈیو شیئر کی جسے ہزاروں کی تعداد میں مداح دیکھ چکے ہیں اور اس پر تبصرے بھی کررہے ہیں۔

(جاری ہے)

اس سے قبل ایک انٹرویو میں فیصل قریشی کا کہنا تھا کہ سسر کو میں نے کہا کہ میں گھر بسانا چاہتا ہوں میرے پاس زندگی کو انجوائے کرنے کے آپشن کم نہیں لیکن میں زندگی کو ٹھہرا ئومیں لانا چاہتا ہوں۔

اداکار نے بتایا کہ سسر کو میری بات سمجھ میں آگئی اور ایک ہفتے میں شادی ہوگئی۔ایک سوال کے جواب میں فیصل قریشی نے بتایا کہ سسر ٹی وی نہیں دیکھتے تو وہ مجھے جانتے بھی نہیں تھے۔ثناء فیصل نے بتایا کہ جب والد کو پتا چلا کہ ان کا تعلق شوبز سے ہے تو پنجاب میں ایک کلچر ہے کہ یہاں شادی نہیں کرنی، وہ ایک مسئلہ ہوگیا تھا، مجھے ان پر اور ابا دونوں پر یقین نہیں تھا، یہ سوچ رہی تھی کہ دیکھتے ہیں اب کہاں جاکر پھنسنا ہے۔