خیبرپختونخواہ حکومت نے عوام کو صحت کی مفت سہولیات کی فراہمی پر 57 ارب روپے خرچ کیے

ڈیڑھ سال عرصہ میں 16 لاکھ 70 ہزار سے زائد مریضوں کو مفت علاج فراہم کیا جا چکا، صحت کارڈ پلس دیگر اضلاع تک توسیع دی جائے گی۔ مشیراطلاعات بیرسٹرسیف

ثنااللہ ناگرہ پیر 6 اکتوبر 2025 19:07

خیبرپختونخواہ حکومت نے عوام کو صحت کی مفت سہولیات کی فراہمی پر 57 ارب ..

پشاور (اُردو پوائنٹ اخبارتازہ ترین۔ 06 اکتوبر2025ء) مشیر اطلاعات خیبرپختونخواہ بیرسٹر ڈاکٹر سیف نے کہا ہے کہ خیبرپختونخواہ حکومت نے عوام کو صحت کی مفت سہولیات کی فراہمی پر 57 ارب روپے خرچ کیے، ڈیڑھ سال عرصہ میں 16 لاکھ 70 ہزار سے زائد مریضوں کو مفت علاج فراہم کیا جا چکا۔ انہوں نے اپنے ردعمل میں کہا کہ وزیراعلی علی امین گنڈاپور کی قیادت میں انقلابی منصوبے صحت کارڈ پلس کی کامیابی کا سفر تیزی سے جاری ہے۔

موجودہ حکومت کے ڈیڑھ سال عرصہ میں 16 لاکھ 70 ہزار سے زائد مریضوں کو مفت علاج فراہم کیا جا چکا ہے،

عوام کو صحت کی مفت سہولیات کی فراہمی پر مجموعی طور پر 57 ارب روپے خرچ کیے گئے ہیں، 276 مریضوں کو ٹرانسپلانٹ اور کاکلئیر امپلانٹ کی سہولت فراہم کی جا چکی ہے، خیبر پختونخوا کے 158 اسپتالوں کے ساتھ ساتھ ملک بھر کے 700 اسپتالوں میں مفت علاج کی سہولت دستیاب ہے۔

(جاری ہے)

صحت کارڈ پلس کے تحت گردے اور جگر کی پیوندکاری، بون میرو ٹرانسپلانٹ سمیت دیگر مہنگے امراض کا علاج مفت فراہم کیا جا رہا ہے۔ ژوندون کارڈ کے ذریعے او پی ڈی مریضوں کو مفت ادویات کی فراہمی کا آغاز بھی ہو چکا ہے۔

ژوندون کارڈ کے تحت مفت او پی ڈی کا آغاز ضلع مردان سے کیا گیا ہے، جسے جلد صوبے کے دیگر اضلاع تک توسیع دی جائے گی۔ صحت کارڈ پلس حقیقی معنوں میں عوامی فلاح و بہبود کا منصوبہ ہے،خیبر پختونخوا حکومت عوام کو باوقار اور معیاری صحت سہولیات فراہم کرنے کے لیے پرعزم ہے،خیبر پختونخوا حکومت نے عوامی خدمت کا نیا معیار قائم کیا ہے، حکومت خیبر پختونخوا کا انقلابی منصوبہ صحت کارڈ پلس عوام کی خدمت، تحفظ اور شفا کی ضمانت ہے، لاکھوں خاندان صحت کارڈ پلس کے ذریعے مفت اور معیاری علاج کی سہولت سے مستفید ہو رہے ہیں۔