راولپنڈی ،ڈینگی کے حملے جاری، 24گھنٹے میں 30نئے مریض رپورٹ

بدھ 8 اکتوبر 2025 22:05

راولپنڈی (اُردو پوائنٹ اخبارتازہ ترین - این این آئی۔ 08 اکتوبر2025ء) راولپنڈی میں موسمی تبدیلیوں کے باوجود ڈینگی وائرس کے حملے جاری ہیں ،گزشتہ 24گھنٹوں کے دوران ڈینگی کے مزید 30مریض سامنے آئے ہیں جس کے بعد شہر میں ڈینگی کے مریضوں کی کل تعداد 865ہو گئی ہے۔محکمہ صحت حکام راولپنڈی کے مطابق اس وقت مختلف ہسپتالوں میں ڈینگی کے 75مریض زیر علاج ہیں، جن کی حالت تسلی بخش بتائی جا رہی ہے۔

ڈینگی کے خاتمے کیلئے محکمہ صحت کی 1,361ٹیمیں میدان میں مصروف عمل ہیں، جو مسلسل احتیاطی تدابیر پر عملدرآمد کروانے میں مصروف ہیں۔حکام کے مطابق اب تک 55لاکھ 90 ہزار 264 گھروں کی چیکنگ کی جا چکی ہے، جن میں سے ایک لاکھ 75ہزار 412گھروں سے ڈینگی کے لاروا برآمد ہوئے ہیں۔ اس کے علاوہ 15 لاکھ 30 ہزار 631 مقامات کی چیکنگ کے دوران 23ہزار 536مقامات سے لاروا دریافت ہوئے ہیں۔

(جاری ہے)

محکمہ صحت کی جانب سے ڈینگی کے معیاری آپریٹنگ طریقہ کار کی خلاف ورزی پر 4,450مقدمات درج کیے گئے ہیں، جبکہ مسلسل خلاف ورزی پر 1,850 مقامات کو سیل کر دیا گیا ہے۔ڈینگی کے رواں سیزن میں احتیاطی تدابیر کی خلاف ورزی پر ایک کروڑ 87 لاکھ 4,507 روپے جرمانے کی صورت میں حکومتی خزانے میں جمع ہوئے ہیں۔ یہ اقدامات ڈینگی مچھر کے پھیلا کو روکنے کیلئے کئے جا رہے ہیں۔شہری حکام نے عوام سے اپیل کی ہے کہ وہ ڈینگی سے بچائو کیلئے احتیاطی تدابیر پر عمل کریں اور اپنے گھروں کے اردگرد صفائی کا خاص خیال رکھیں۔ محکمہ صحت کی ٹیمیں شہر بھر میں اسپرے مہم بھی جاری رکھے ہوئے ہیں۔

Facebook Twitter Google + Share on Whatsapp

راولپنڈی ،ڈینگی کے حملے جاری، 24گھنٹے میں 30نئے مریض رپورٹ

متعلقہ عنوان :

مزید قومی خبریں