سیلاب سے متاثرہ علاقوں میں 27 فیصد سروے مکمل ہو چکا ہے،ترجمان پی ڈی ایم اے پنجاب

جمعرات 9 اکتوبر 2025 12:13

لاہور (اُردو پوائنٹ اخبارتازہ ترین - اے پی پی۔ 09 اکتوبر2025ء) وزیراعلی پنجاب مریم نواز شریف کی خصوصی ہدایت پر صوبے میں فلڈ سروے جاری ہے۔ ترجمان پی ڈی ایم اے پنجاب کے مطا بق سیلاب سے متاثرہ اضلاع میں 2200 سے زائد سروے ٹیمیں سرگرم عمل ہیں اورمتاثرہ علاقوں میں 27 فیصد سروے مکمل ہو چکا ہے۔ اب تک فلڈ سروے میں 2 لاکھ 26 ہزار متاثرین کی تفصیلات جمع کر لی گئی ہیں اور اب تک سروے ٹیموں نے سیلاب سے متاثرہ 6 لاکھ 73 ہزار ایکڑ اراضی کی نشاندہی کی ہے۔

(جاری ہے)

ترجمان کے مطابق سروے ٹیموں نے سیلاب سے متاثرہ 63615 مکانات کا ڈیٹا جمع کر لیا ہے۔ ان مکانات میں مکمل متاثر اور جزوی متاثر مکانات شامل ہیں، مختلف اضلاع سے سروے کے مطابق 7580 ہلاک مویشیوں کی تفصیلات موصول ہوئی ہیں اور5916 بڑے جانور اور 1664 چھوٹے مویشیوں کا ڈیٹا حاصل کیا گیا ہے۔ ترجمان پی ڈی ایم اے پنجاب کے مطابق ٹیمیں گھر گھر جا کر سروے کر رہی ہیں۔ سروے اور امداد کا عمل بروقت مکمل کر لیا جائے گا جبکہ17 اکتوبر سے وزیر اعلی پنجاب کی ہدایات کے مطابق مالی معاونت کا عمل شروع کر دیا جائے گا۔