لوئر دیر ،محکمہ بہبود ابادی لوئر دیر کے زیر نگرانی ڈینگی کے حوالے سے اگاہی مہم

جمعہ 10 اکتوبر 2025 17:23

لوئر دیر (اُردو پوائنٹ اخبارتازہ ترین - اے پی پی۔ 10 اکتوبر2025ء) صوبائی حکومت کے احکامات کی روشنی میں ضلعی انتظامیہ اور ضلعی افسر محکمہ بہبود آبادی لوئر دیر کنعان پاشا کے زیر نگرانی ڈینگی سے بچاؤ اور کنٹرول کے حوالے سے تعلیمی اداروں اور کمیونٹی سنٹرز میں آگاہی مہم کا انعقاد ہوا۔

(جاری ہے)

ڈی سی دفتر سے جاری پریس ریلیز کے مطابق ڈینگی سے بچاو اور کنٹرول کے حوالے سے محکمہ بہبودی آبادی کا کمیونٹی سنٹرز اور تعلیمی اداروں میں انعقاد کا مقصد طلباء و طالبات اورکمیونٹی کو تعلیم وتربیت دینا اور معاشرے میں اس کے حوالے سے بیداری پیدا کرنا تھا تاکہ کمیونٹی موثر حکمت عملی اپنا کر ڈئینگی سے حفاظت اور پھیلاو کو روکا جاسکیں۔

آگاہی مہم کا مقصد حفظان صحت کے طریقوں کو بہتر بنانے اور لوئر دیر میں ڈینگی بخار کے خلاف موثر اقدامات کرنے اور مربوبط حکمت عملی اپنانا ہے۔ آگاہی مہم کے اختتام پر شرکاء میں ڈینگی آگاہی پمفلٹ تقسیم کئے گئے۔\378