ڈپٹی کمشنر شیخوپورہ شاہد عمران مارتھ کی زیر صدارت ڈسٹرکٹ کوالٹی کنٹرول بورڈ کا اجلاس

منگل 14 اکتوبر 2025 16:55

شیخوپورہ (اُردو پوائنٹ اخبارتازہ ترین - اے پی پی۔ 14 اکتوبر2025ء) ڈپٹی کمشنر شیخوپورہ شاہد عمران مارتھ کی زیر صدارت ڈسٹرکٹ کوالٹی کنٹرول بورڈ کا اجلاس منعقد ہوا۔ اجلاس میں سی ای او ہیلتھ اتھارٹی ڈاکٹر صدیق بلوچ ، سیکرٹری کوالٹی کنٹرول بورڈ اسماء رشید ، پانچوں تحصیلوں کے ڈرگ انسپکٹرز اور اراکین ڈسٹرکٹ کوالٹی کنٹرول بورڈ نے شرکت کی ۔ اجلاس میں مجموعی طور پر 25 کیسز کی سماعت کی گئی جن میں سے 12 کیسز کو ڈرگ کورٹ بھجوانے ، 10 کو وارننگ ، ایک کیس ری وزٹ ، جبکہ دوکیسز میں لائسنس کینسل کرنے کے احکامات جاری کیے گئے ۔

ڈپٹی کمشنر شاہد عمران مارتھ نے ڈسٹرکٹ کوالٹی کنٹرول بورڈ کے اراکین کو ہدایت کی کہ ممنوعہ اور زائد المعیاد ادویات فروخت کرنیوالے میڈیکل سٹورز مالکان کے خلاف سخت قانونی کارروائی عمل میں لائی جائے جن میڈیکل سٹورز کے مالکان کو وارننگ دی گئی ہے اگر وہ دوبارہ خلاف ورزی کریں تو ان کے خلاف قانون کے مطابق کارروائی کی جائے ۔

(جاری ہے)

ڈپٹی کمشنر نے میڈیکل سٹورز مالکان کو ہدایت کی کہ لائسنس کی شرائط کے مطابق کام کریں ورنہ انکے لائسنس منسوخ کر دیے جائیں گے۔ ڈپٹی کمشنر شاہد عمران مارتھ نے کہا کہ انسانی صحت سے کھیلنے کی ہرگز اجازت نہیں دیں گے اس ضمن میں ضلعی انتظامیہ صحت عامہ کے مکمل تحفظ کیلئے اپنی ذمہ داریاں بطریق احسن پوری کرے گی۔\378