ہری پور ، تھانہ غازی پولیس کی کارروائی ،لوہے کی مختلف سائز کی پلیٹس چوری کرنے والا ملزم گرفتار

جمعرات 16 اکتوبر 2025 16:59

ہری پور (اُردو پوائنٹ اخبارتازہ ترین - اے پی پی۔ 16 اکتوبر2025ء) تھانہ غازی پولیس نےکاروائی کرتے ہوئےلوہے کی مختلف سائز کی پلیٹس چوری کرکے لے جانے والا ملزم گرفتار کر لیا ۔

(جاری ہے)

تفصیلات کے مطابق ڈی ایس پی غازی مسعود خان کی زیر نگرانی ایس ایچ او تھانہ غازی انسپکٹر راجہ ممتاز ترک ہمراہ نفری پولیس کے گزشتہ رات دوران گشت مشوانی چوک میں موجود تھے کہ گاڑی نمبری LEA-4509 کو چیک کیا دوران چیکنگ گاڑی سے 9 عدد مختلف سائز کی لوہے کی پلیٹس برآمد ہوئیں ۔

ڈرائیور گاڑی یاسر جاوید ولد محمد جاوید سکنہ گڑھی میرا کو گرفتار کرکے سرسری تحقیقات کیں تو اس نے بتایا کی چوری شدہ لوہے کی پلیٹس دوسرے ساتھی عبید عرف سومی جو کہ واپڈا کا ملازم ہے کی ملکیت ہیں ۔ ملزمان کے خلاف زیر دفعہ 380.411 پی پی سی کے مقدمہ درج رجسٹر کرلیا ۔ دوسرے ملز م کی گرفتاری کے لیے پولیس مختلف مقامات پر کاروائیاں جاری رکھے ہوئے ہے ۔مقدمہ میں مذید تفتیش جاری ہے ۔\378