مغوی اسسٹنٹ کمشنر زیارت کا بیٹا ہرنائی سے بازیاب

مستنصر بلال کو 10اگست کو والد کے ساتھ اغواء کیا گیا تھا

جمعہ 17 اکتوبر 2025 11:54

مغوی اسسٹنٹ کمشنر زیارت کا بیٹا ہرنائی سے بازیاب

کوئٹہ(اُردو پوائنٹ اخبارتازہ ترین - این این آئی۔ 17 اکتوبر2025ء) اسسٹنٹ کمشنر زیارت محمد افضل کا بیٹا ہرنائی کے پہاڑی علاقے سے بازیاب ہو گیا، مستنصر بلال کو 10اگست کو والد کے ساتھ اغواء کیا گیا تھا ۔میڈیارپورٹ کے مطابق اسسٹنٹ کمشنر زیارت کا بیٹا ہرنائی کے پہاڑی علاقے سے بازیاب ہو گیا، اغواء کاروں نے گزشتہ شب مغوی کو ہرنائی کے پہاڑوں میں چھوڑا۔

(جاری ہے)

مغوی اسسٹنٹ کمشنر محمد افضل تاحال بازیاب نہیں ہوسکے، اسسٹنٹ کمشنر کی بازیابی کیلئے ضلعی انتظامیہ کے اقدامات جاری ہیں۔یاد رہے کہ اسسٹنٹ کمشنر زیارت محمد افضل اور ان کے فرزند مستنصر بلال کو 10اگست کو دہشت گردوں نے زیزری کے مقام سے اغواء کیا تھا۔بعدا زاں اغواکاروں نے اسسٹنٹ کمشنر زیارت محمد افضل اور ان کے بیٹے کی ویڈیو بھی جاری کی تھی، جس میں وہ اغواء کاروں کے مطالبات پورے کرنے کی اپیل کررہے تھے۔اس سے قبل، بلوچستان حکومت نے اسسٹنٹ کمشنر اور ان کے بیٹے کے اغواء کاروں کا سراغ لگانے پر 5کروڑ روپے کے نقد انعام کا اعلان کیا تھا۔