انسانوں سے بہتر ذہانت کے ساتھ چلنے اور اڑنے والا ٹرانسفارمنگ روبوٹ لانچ

جمعہ 17 اکتوبر 2025 14:15

ابوظہبی(اُردو پوائنٹ اخبارتازہ ترین - این این آئی۔ 17 اکتوبر2025ء) کیلیفورنیا یونیورسٹی آف ٹیکنالوجی(کالٹیک)نے انسانوں سے بہتر ذہانت کے ساتھ چلنے اور اڑنے والا ٹرانسفارمنگ روبوٹ لانچ کردیا۔

(جاری ہے)

العربیہ کے مطابق کیلیفورنیا یونیورسٹی آف ٹیکنالوجی نے ابوظہبی میں ٹیکنالوجی انوویشن انسٹی ٹیوٹ کے تعاون سے تین سال کی مسلسل ترقی کے بعد ایک انقلابی روبوٹک نظام کی نقاب کشائی کی جو چلنے، اڑنے اور ڈرائیونگ کو ایک ہی ڈیوائس میں یکجا کرتا ہے۔

نئے روبوٹ کو ایکس ون کا نام دیا گیا ہے۔ پہلی نظر میں یہ عام طور پر چلنے والا ایک بائی پیڈل روبوٹ دکھائی دیتا ہے لیکن حیرت اس وقت شروع ہوتی ہے جب اسے کسی رکاوٹ کا سامنا کرنا پڑتا ہے۔ اس موقع پر اس کا بیک پیک اسے ایک ایسے ڈرون میں تبدیل کرنے کے لیے الگ ہو جاتا ہے جو جھیل یا رکاوٹ کے اوپر منڈلا سکتا ہے۔