ہری پور: باراتیوں سے بھری کوسٹر پہاڑ سے ٹکرا گئی، کمسن بچی سمیت 5 خواتین جاں بحق، 45 افراد زخمی

اتوار 19 اکتوبر 2025 21:35

ہری پور(اُردو پوائنٹ اخبارتازہ ترین - این این آئی۔ 19 اکتوبر2025ء) خیبر پختونخوا کے ضلع ہری پور میں شادی کی تقریب میں شرکت کے لیے جانے والی باراتیوں سے بھری کوسٹر بریک فیل ہونے کے باعث پہاڑ سے ٹکرا گئی، جس کے نتیجے میں کمسن بچی سمیت 5خواتین جاں بحق جبکہ 45افراد زخمی ہو گئے۔

(جاری ہے)

ریسکیو 1122کے مطابق حادثے کی اطلاع ملتے ہی 4ایمبولینسیں اور ایک ریسکیو وہیکل جائے وقوعہ پر روانہ کر دی گئی، لاشوں اور زیادہ تر زخمیوں کو ٹراما سینٹر ہری پور منتقل کیا گیا، جبکہ 2شدید زخمیوں کی تشویش ناک حالت کے پیش نظر ایبٹ آباد روانہ کر دیا گیا۔ترجمان ریسکیو 1122کے مطابق یہ ٹریفک حادثہ بریک فیل ہو جانے کے باعث پیش آیا۔