فیصل آباد ،شادی سے انکار پر خاتون کو زندہ جلانے کی کوشش کرنے والا ملزم گرفتار

پیر 20 اکتوبر 2025 20:40

فیصل آباد (اُردو پوائنٹ اخبارتازہ ترین - اے پی پی۔ 20 اکتوبر2025ء) فیصل آباد میں شادی سے انکار پر خاتون کو زندہ جلانے کی کوشش کرنے والے ملزم کو پولیس نےگرفتار کرلیا ہے ۔

(جاری ہے)

ترجمان پولیس نے بتایا کہ تھانہ سول لائن پولیس نے کارروائی کرکے خاتون کو ہراساں اور پٹرول چھڑک کر آگ لگانے کی کوشش کرنے والے ملزم علی اکبر کو گرفتار کرلیا۔ایس ایچ او سول لائن نے ملزم علی اکبر کو فوری گرفتار کر کے پابند سلاسل کیا۔ملزم علی اکبر نے جنرل بس سٹینڈ کے قریب شادی سے انکار پر شازیہ نامی خاتون کو سنگین نتائج کی دھمکیاں دیتے ہوئے پٹرول چھڑک کر آگ لگانے کی کوشش کی۔تھانہ سول لائن پولیس نے ملزم کے خلاف مقدمہ درج کر کے قانونی کارروائی کا آغاز کر دیا۔