پنجاب کے بیشتر علاقوں میں موسم سرد و خشک رہنے کا امکان ہے، محکمہ موسمیات

بدھ 14 جنوری 2026 17:42

لاہور (اُردو پوائنٹ اخبارتازہ ترین - اے پی پی۔ 14 جنوری2026ء) پنجاب کے بیشتر علاقوں میں آئندہ چوبیس گھنٹوں کے دوران موسم سرد و خشک رہنے کا امکان ہے۔ ترجمان محکمہ موسمیات پنجاب کے مطابق آئندہ چوبیس گھنٹوں کے دوران لاہور،سیالکوٹ،نارووال، جہلم ،گوجرانوالہ، گجرات،شیخوپورہ،اوکاڑہ، قصور، ساہیوال، خانیوال، فیصل آباد، جھنگ، میانوالی، لیہ،بھکر، نورپورتھل، ڈی جی خان، راجن پور، شورکوٹ،ملتان،کوٹ ادو،بہاولنگر، خانپور، بہاولپور اور رحیم یار خان میں شدید دھند پڑنے کا امکان ہے۔

ترجمان کے مطابق گزشتہ چوبیس گھنٹوں کے دوران سیالکوٹ، نارووال، جہلم، گوجرانوالہ، گجرات، لاہور، شیخوپورہ، اوکاڑہ، قصور، ساہیوال، خانیوال، فیصل آباد، میا نوالی، جھنگ، لیہ، بھکر، نورپورتھل، ڈی جی خان، راجن پور، شورکوٹ، ملتان،کوٹ ادو، بہاولنگر، خانپور، بہاولپور اور رحیم یار خان میں شدید دھند چھائی رہی۔

(جاری ہے)

گزشتہ روز لاہور شہر کا کم سے کم درجہ حرارت5 اور زیادہ سے زیادہ16 سینٹی گریڈ رہا جبکہ ہوا میں نمی کی شرح بھی16 فیصد ریکارڈ کی گئی۔

اسی طرح لا ہور میں آلودگی کی مجموعی شرح 269 فیصد رہی جبکہ سی ای آر پی آفس میں ایئر کوالٹی انڈیکس 201،بیدیاں روڈ416،برکی روڈ 473،عسکری ٹین544،علامہ اقبال ٹائون 185،سول سکر یٹریٹ 268،کنٹونمنٹ640 اور فیز فا ئیو ڈی ایچ اے میں267 ایئر کوالٹی انڈیکس ریکارڈ کیا گیا۔