آئندہ 24 گھنٹوں کے دوران ملک کے بیشتر علاقوں میں موسم سرد و خشک، پہاڑی علاقوں میں شدید سرد اور مطلع جزوی ابرآلو رہنے کا امکان

بدھ 28 جنوری 2026 21:56

اسلام آباد (اُردو پوائنٹ اخبارتازہ ترین - اے پی پی۔ 28 جنوری2026ء) آئندہ 24 گھنٹوں کے دوران ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد اور مطلع جزوی ابرآلو رہنے کا امکان ہے۔ صبح کے اوقات میں شمال مشرقی پنجاب کے اضلاع میں چند مقامات پر دھند کی توقع ہے۔

(جاری ہے)

محکمہ موسمیات کے مطابق گزشتہ 24 گھنٹوں کے دوران ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہا تاہم کشمیر، بالائی خیبر پختونخوا اور خطہ پوٹھوہارمیں چند مقامات پربارش اور پہاڑوں پر برف باری ہوئی۔

سب سے زیادہ بارش کشمیر مظفرآباد (ایئرپورٹ 05، سٹی 02)، گڑھی دوپٹہ 04، کوٹلی 03، پنجاب: مری 05، منگلا 01، خیبر پختونخوا: مالم جبہ 02اور پٹن میں 01ملی میٹر بارش ریکارڈ کی گئی۔برف باری مالم جبہ اور مری میں ایک انچ برف باری ریکارڈ ہوئی۔بدھ کوریکارڈ کئے گئے کم سے کم درجہ حرارت : لہہ منفی 10 ،قلات، پاراچنار منفی07، گوپس ،مالم جبہ ،استورمنفی06،نتھیا گلی،کالام منفی05،سکردو میں منفی 04 ڈگری سینٹی گریڈ ریکارڈ کیا گیا ۔