اعلیٰ ثانوی تعلیمی بورڈ نے انٹرمیڈیٹ حصہ اول کے آن لائن امتحانی فارم جمع کروانے کی تاریخوں میں20فروری تک توسیع کردی

کراچی (اُردو پوائنٹ اخبارتازہ ترین - این این آئی۔ 11 فروری2026ء) اعلی ثانوی تعلیمی بورڈ کراچی نے چیئرمین فقیر محمد لاکھو کی ہدایت پر طلبا کے وسیع تر مفاد میں سرکاری کالجوں اور ہائیرسیکنڈری اسکولوں کے انٹرمیڈیٹ حصہ اول (فریش)کے سائنس پری میڈیکل، پری انجینئرنگ، سائنس جنرل، کامرس، آرٹس اور ہوم اکنامکس کے سالانہ امتحانات برائے 2026 میں شرکت کے خواہشمند اور اہل امیدواروں کیلئے آن لائن امتحانی فارم جمع کروانے کی تاریخوں میں بروز جمعرات 12 فروری سے بروز جمعہ 20 فروری 2026 تک توسیع کردی ہے۔

امیدوار اپنے آن لائن امتحانی فارم انٹربورڈ کراچی کے آفیشل ویب پورٹل https://portal.biek.edu.pk کے ذریعے جمع کروائیں گے۔ امیدواروں کو آگاہ کیا جاتا ہے کہ کسی بھی صورت میں براہ راست ا متحانی فارم قبول نہیں کیے جائیں گے۔

(جاری ہے)

آن لائن امتحانی فارم جمع کروانے کیلئے طلبا اور تعلیمی اداروں کیلئے بھی جاری کی گئی ہیں۔ طلبا کیلئے آن لائن امتحانی فارم جمع کروانے کا طریقہ کار: سب سے پہلے انٹربورڈ کے آفیشل ویب پورٹل https://portal.biek.edu.pk پر جائیں۔

(2) Enrolment & Examination 2026 Part-I (Regular) کے بٹن پرکلک کریں۔ میٹرک کی مکمل اور درست معلومات فراہم کریں۔ میٹر ک کی مارکس شیٹ کے مطابق اپنی ذاتی اور تعلیمی معلومات درج کریں۔انتہائی احتیاط کے ساتھ اپنے کالج، گروپ اور فیکلٹی کا انتخاب کریں۔منتخب گروپ کے مطابق انٹرمیڈیٹ حصہ اول کے مقررہ مضامین کا انتخاب کریں۔تمام مطلوبہ دستاویزات کی واضح اور قابل مطالعہ نقول اپ لوڈکریں۔

تمام مراحل مکمل ہونے کے بعد طلبہ کے پاس ایک واچر /چالان ڈان لوڈ ہوجائے گا۔ وزیراعلی سندھ کی ہدایات کے مطابق رواں سال بھی سرکاری تعلیمی اداروں کے طلبہ کی فیس معاف کردی گئی ہے۔(1) تعلیمی اداروں کیلئے مخصوص تیارکردہ ویب پورٹل https://institute.biek.edu.pk کھولیں۔نٹربورڈ کراچی کے ویب پورٹل پر اپنی مجاز آئی ڈی اور پاس ورڈ کے ذریعہ لاگ اِن کریں۔پورٹل پر ظاہر ہونے والے طلبہ کے ڈیٹا کی تصدیق /منظوری کریں۔

اس بات کو یقینی بنائیں کہ طلبہ کی اپ لوڈ کی گئیں تصاویر، میٹرک کی معلومات، گروپ /فیکلٹی، کالج کا نام اور دیگر دستاویزات مطلوبہ فارمیٹ کے مطابق، اصل اور تصدیق شدہ ہوں۔تصاویر کا غلط فارمیٹ، سیلفی یا دیگر جعلی دستاویزات کو بورڈ کی جانب سے قابل قبول نہیں سمجھا جائے گا اور ایسے فار م منسوخ تصور کیے جائیں گے۔اگر پورٹل پر آپ کے کالج سے تعلق نہ رکھنے والے طلبہ کے امتحانی فارم ہوں تو انہیں مسترد کریں یا اعتراض میں ڈالیں۔

(5) انٹربورڈ کراچی کے امتحانی فارم جمع کروانے کے شیڈول کے مطابق ویب پورٹل فعال رہے گا۔ کالج اسی دوران جمع کرائے گئے تمام امتحانی فارمز کی تصدیق اور طلبہ کے تمام کوائف کی جانچ پڑتال کریں گے۔انٹربورڈ کراچی کے تعلیمی اداروں کیلئے مخصوص پورٹل سے امتحانی فارم جمع کرنے والے طلبہ کی فہرست ڈان لوڈ کریں اور اس کی پرنسپل سے تصدیق شدہ نقل بروز پیر 23فروری 2026 کو بورڈ کے اکانٹس سیکشن میں جمع کرائیں۔