خواجہ سعد رفیق دل کا دورہ پڑنے پر ہسپتال منتقل، ڈاکٹرز نے شریان میں سٹنٹ ڈال دیا

مجھے اچانک دل کی تکلیف لاحق ہوئی جس کی وجہ سے دِل کی دھڑکن معمول کی نسبت بہت تیز ہوگئی تھی؛ سابق وفاقی وزیر کا بیان

ساجد علی جمعرات 19 فروری 2026 11:06

خواجہ سعد رفیق دل کا دورہ پڑنے پر ہسپتال منتقل، ڈاکٹرز نے شریان میں ..

لاہور (اُردو پوائنٹ اخبارتازہ ترین۔ 19 فروری2026ء) سابق وفاقی وزیر اور مسلم لیگ ن کے سینئر رہنماء خواجہ سعد رفیق کو دل کا دورہ پڑنے کی وجہ سے ہسپتال منتقل کردیا گیا۔

(جاری ہے)

میڈیا رپورٹس کے مطابق ذرائع کا کہنا ہے کہ سابق وفاقی وزیر خواجہ سعد رفیق کو لاہور میں قائم پنجاب اسنسٹیٹیوٹ آف کارڈیالوجی ( پی آئی سی ) منتقل کیا گیا جہاں ان کی انجیوپلاسٹی کرتے ہوئے سٹنٹ ڈال دیا گیا جس کے بعد ان کی حالت میں بہتری بتائی گئی ہے، اس حوالے سے پی آئی سی کے ڈاکٹرز نے بتایا کہ خواجہ سعد رفیق کو ایک سٹنٹ ڈالا گیا ہے اور ان کی طبیعت اب پہلے سے کافی بہتر ہے۔

بعد ازاں اپنے ایک بیان میں مسلم لیگ ن کے سینئر رہنماء خواجہ سعد رفیق نے بتایا کہ مجھے اچانک دل کی تکلیف لاحق ہوئی جس کی وجہ سے دِل کی دھڑکن معمول کی نسبت بہت تیز ہوگئی تھی، اس کے باعث پنجاب انسٹی ٹیوٹ آف کارڈیالوجی جانا پڑا جہاں ڈاکٹر صاحبان نے انجیو پلاسٹی کر کے ایک سٹنٹ ڈال دیا ہے، میں اب ہسپتال سے ڈسچارج ہو چکا ہوں اور خیریت سے ہوں، دوست احباب اور کرم فرما پریشان نہ ہوں، دعاؤں اور نیک تمناؤں کیلئے تمام احباب کا شکریہ ادا کرتا ہوں۔