کراچی ساؤتھ باکسنگ ایسوسی ایشن کے 4سالہ مدت کیلئے انتخابات مکمل

کراچی (اُردو پوائنٹ اخبارتازہ ترین - این این آئی۔ 22 فروری2026ء) کراچی ساوٹھ باکسنگ ایسوسی ایشن کے آئندہ 4سالہ مدت کے لئے انتخابات اور سندھ باکسنگ ایسوسی ایشن کے صدر محمد اصغر بلو چ اورکراچی ڈویڑن کے صدر عابد بروہی کی موجودگی میں لیاری لیبر ویلفیئر سینٹر باکسنگ کلب میں انتخابی جنرل باڈی کے اجلاس میں کراچی ساؤتھ کے 16کلبز میں سے 13کلبز نے شرکت کی جس میں متفقہ طور پر عبدالرزاق بلوچ صدر، رسول بخش چیئرمین،فتح محمد ٍوائس چیئرمین، محمد رستم بلوچ جنرل سیکریٹری اورمحمد عمران شاہ خزانچی منتخب ہوئے۔

دیگر عہدیداران میں عبدالرشید بلوچ سینئر نائب صدر، مراد بخش، شکیل احمد قمبرانی اور محترمہ سمیہ رفیق (خواتین) نائب صدود منتخب ہوئے۔ جبکہ عبدالوحید درویش جوائنٹ سیکریٹری، شہزاد علی ایسوسی ایٹ سیکریٹری،محترمہ گل جبین ملنگ بلوچ خواتین ایسوسی ایٹس سیکریری، عدنان بابا سیکریٹری اطلاعات جبکہ جمیل خان، خان محمد، طفیل جان، وسیم سربازی شازیب خان، خلیل اصغر، عبدالستار بلوچ، شاہزیب خان، محترمہ عقیلہ اور محترمہ سارہ ملنگ ایگزیکٹیو کمیٹی،جبکہ جاوید خان اور اختر بلوچ کوچنگ کمیشن کے رکن منتخب ہوئے۔

(جاری ہے)

اجلاد میں دیگر امور کے علاوہ کراچی ساؤتھ کی گذشتہ4سال کی کارکردگی، آڈٹ رپورٹ اور آئندہ سال2026 کے ایونٹ شیڈول کی منظوری دی گئی اور جاری کردی گئی۔ سندھ باکسنگ ایسوسی ایشن کے صدر محمد اصغر بلوچ، سینئر نائب صدر محمد یونس پٹھان، و دیگر عہدیداران نے نو منتخب کابینہ کو مبارکباد دیتے ہوئے اس امید کا اظہار کیا کہ وہ ماضی کی روایت کو برقرار رکھتے ہوئے اس باکسنگ کھیل کی ترقی کے لئے اپنابھرپور کردار ادا کریں گے۔

ماہ جنوری میں ہیپی نیو ایئر باکسنگ ایونٹ، فروری میں نیشنل باکسنگ چیمپئن شپ ٹیلنٹ پروگرام، انٹر کلبز پروگرام، مارچ میں ساؤتھ ثمر باکسنگ سیمینار، اپریل میں ساؤتھ انڈر 16-باکسنگ چیمئن شپ، یکم مئی کو لیبر ڈے باکسنگ ٹورنامنٹ، جون میں ساؤتھ ثمر باکسنگ کوچنگ کیمپ، جولائی میں ساؤتھ ثمر کپ باکسنگ چیمپئن شپ، اگست میں آزادی کپ باکسنگ ایونٹ، ستمبر یوم دفاع باکسنگ ٹورنامنٹ، اکتوبر میں لیاقت علی خان ڈے باکسنگ ایونٹ، نومبرمیں علامہ اقبال ڈے باکسنگ ٹورنامنٹ میں اور دسمبر میں قائد اعظم باکسنگ چیمپئن شپ ہوگی۔ یہ تمام پروگرام سرکاری پروگرامز کے علاوہ ہوں گے۔