بارشیں اور ژالہ باری، این ڈی ایم اے نے الرٹ جاری کردیا

منگل 10 مارچ 2026 17:40

لاہور (اُردو پوائنٹ اخبارتازہ ترین - این این آئی۔ 10 مارچ2026ء) ملک میں موسم پھر کروٹ بدلنے کو تیار ہے،این ڈی ایم اے نے موسمی صورتحال کے بارے میں الرٹ جاری کردیا ۔

(جاری ہے)

این ڈی ایم اے کے مطابق 9 سے 12مارچ کے دوران خیبر پختونخوا، پنجاب، کشمیر اور گلگت کے مختلف علاقوں میں بارش کا امکان ہے،خطہ پوٹھوہار بشمول اسلام آباد، راولپنڈی، اٹک، چکوال، جہلم اور میانوالی میں آندھی اور ہلکی بارش کا امکان ہے، اسلام آباد اور خطہ پوٹھوہار کے بالائی علاقوں میں ژالہ باری کا بھی امکان ہے،9سے 11مارچ کے دوران خیبر پختونخوا کے مختلف علاقوں میں آندھی کے ساتھ ہلکی بارش کا امکان ظاہر کیا گیا ہے،چترال، دیر، ہری پور، کرک، کوہاٹ، کوہستان، خیبر، کرم، مانسہرہ، مہمند، نوشہرہ، مالاکنڈ، چارسدہ، ایبٹ آباد، بنوں، بونیر، پشاور، صوابی اور گردونواح میں بارش کا امکان ہے۔

محکمہ موسمیات کے مطابق گلگت بلتستان اور آزاد کشمیر کے مختلف علاقوں میں 11مارچ تک چند مقامات پرہلکی بارش اور موسم جزوی ابر آلود رہنے کا امکان ہے،استور، گلگت، اسکردو، دیامر، غذر، ہنزہ، نگر، مظفرآباد، نیلم، ہٹیاں بالا، باغ، حویلی اور پونچھ کے علاقوں میں بارش کی پیشگوئی کی گئی ہے۔

Facebook Twitter Google + Share on Whatsapp

بارشیں اور ژالہ باری، این ڈی ایم اے نے الرٹ جاری کردیا

متعلقہ عنوان :

مزید موسم کی خبریں