ڈاکٹر قادر مگسی کا سندھ دشمن اور نسل پرست گورنر سندھ کو ہٹانے کے وفاقی حکومت کے فیصلے کا خیر مقدم

سندھ کے عوام ایسے فیصلے کا انتظار کر رہے تھے، کیونکہ سندھ کے خلاف تعصب اور نفرت پر مبنی پالیسیوں کی وجہ سے صوبے میں بے چینی پیدا ہو رہی تھی، قادر مگسی

جمعرات 12 مارچ 2026 22:05

حیدرآباد(اُردو پوائنٹ اخبارتازہ ترین - این این آئی۔ 12 مارچ2026ء) سندھ ترقی پسند پارٹی کے چیئرمین ڈاکٹر قادر مگسی نے سندھ دشمن اور نسل پرست گورنر سندھ کو ہٹانے کے وفاقی حکومت کے فیصلے کا خیر مقدم کیا ہے، انہوں نے کہا کہ سندھ کے عوام ایسے فیصلے کا انتظار کر رہے تھے، کیونکہ سندھ کے خلاف تعصب اور نفرت پر مبنی پالیسیوں کی وجہ سے صوبے میں بے چینی پیدا ہو رہی تھی۔

وہ حیدرآباد میں سندھ ترقی پسند پارٹی کراچی ڈویژن اور سینئر رہنماں کے مشترکہ اجلاس سے خطاب کر رہے تھے۔اجلاس میں ایس ٹی پی کے وائس چیئرمین حیدر شاہاںی، ہوت خان گاڈھی، ڈاکٹر عبدالحمید میمن، قادر چنہ، ڈاکٹر سومار منگریو، ڈاکٹر مظہر میمن، خیر محمد مگسی، پیر بخش بھلکانی، شمشاد علی زہرانی، رستم جمالی، شمس الدین زہرانی، دوست علی مگسی، گل ملاح، اختیار سومرو، لعل جان بلوچ اور غلام محمد ٹگڑ و دیگر رہنما شریک ہوئے۔

(جاری ہے)

ڈاکٹر قادر مگسی نے کہا کہ سندھی قوم اپنی دھرتی، شناخت اور حقوق کے حوالے سے انتہائی حساس ہے اور سندھ دشمن رویوں کو کسی صورت قبول نہیں کرے گی، انہوں نے کہا کہ سندھ کے وسائل اور شناخت کے خلاف ہونے والی سازشوں کا سندھی قوم مل کر مقابلہ کرے گی۔انہوں نے کہا کہ 12 اپریل کو کراچی کے جناح گرانڈ میں ہونے والا تاریخی جلسہ سندھی قوم کے اتحاد، شعور اور طاقت کا مظاہرہ ہو گا، سندھ کے کونے کونے سے لاکھوں لوگ کراچی پہنچ کر دنیا کو یہ پیغام دیں گے کہ سندھی قوم اپنے وجود، شناخت اور حقوق کے تحفظ کے لیے متحد ہے۔

اجلاس میں 12 اپریل کو کراچی کے جناح گرانڈ میں ہونے والے جلسے کی تیاریوں کے حوالے سے تفصیلی گفتگو کی گئی اور جلسے کو ہر لحاظ سے کامیاب بنانے کے لیے حکمت عملی کا جائزہ لیا گیا۔ڈاکٹر قادر مگسی نے کارکنوں، نوجوانوں، طلبہ اور سندھ کے عوام سے اپیل کی کہ وہ بڑی تعداد میں شرکت کر کے جلسے کو تاریخی بنائیں اور سندھی قوم کے وجود کا احساس پوری دنیا کو دلائی۔