2026ءکے پہلے 8 ماہ کے دوران پولیس اہلکاروں کے خلاف 40 مقدمات درج

جن اہلکاروں کے خلاف مقدمات درج کیئے گئے ان میں 7 سب انسپکٹر، 22 اسسٹنٹ سب انسپکٹر جبکہ 47 ہیڈ کانسٹیبل اور کانسٹیبل شامل ہیں. پولیس حکام

میاں محمد ندیم جمعہ 11 ستمبر 2026 20:50

2026ءکے پہلے 8 ماہ کے دوران پولیس اہلکاروں کے خلاف 40 مقدمات درج

لاہور(اردوپوائنٹ اخبارتازہ ترین-انٹرنیشنل پریس ایجنسی۔11 ستمبر ۔2026 ) لاہور میں سال 2026ءکے پہلے 8 ماہ کے دوران پولیس اہلکاروں کے خلاف 40 مقدمات درج کیے گئے، جن میں کانسٹیبل سے لے کر سب انسپکٹر تک 76 اہلکار نامزد ہیں پولیس ریکارڈ کے مطابق درج مقدمات میں 7 سب انسپکٹر، 22 اسسٹنٹ سب انسپکٹر جبکہ 47 ہیڈ کانسٹیبل اور کانسٹیبل شامل ہیں اہلکاروں کے خلاف مقدمات مالی کرپشن، ناقص تفتیش اور اختیارات سے تجاوز کرنے پر درج کیے گئے جبکہ سائلین کو ہراساں کرنے اور مختلف جرائم میں ملوث ہونے کے الزامات پر بھی مقدمات کا اندراج ہوا. پولیس ریکارڈ کے مطابق ماڈل ٹاﺅن ڈویژن میں پولیس کے خلاف 9، صدر ڈویژن میں 8، سٹی ڈویژن میں 7 جبکہ کینٹ ڈویژن میں 6 مقدمات درج ہوئے ہیں جبکہ سول لائنز اور اقبال ٹاﺅن ڈویژن میں پولیس کے خلاف 5، 5 مقدمات درج کیے گئے.