عدالت نے جعلی کرنسی نوٹ برآمدگی اور مارکیٹ میں چلانے کے مقدمے میں ملزم میر محمد مگسی کی ضمانت منظور کرلی

پیر 30 مارچ 2026 17:40

کراچی (اُردو پوائنٹ اخبارتازہ ترین - این این آئی۔ 30 مارچ2026ء) کراچی کی مقامی عدالت نے جعلی کرنسی نوٹ برآمدگی اور مارکیٹ میں چلانے کے مقدمے میں ملزم میر محمد مگسی کی ضمانت منظور کرلی ہے ۔ایڈیشنل ڈسٹرکٹ اینڈ سیشن جج جنوبی کی عدالت کے روبرو جعلی کرنسی نوٹ برآمدگی اور مارکیٹ میں چلانے کے مقدمے کی سماعت ہوئی۔ عدالت نے ملزم میر محمد مگسی کی ضمانت منظور کرلی۔

(جاری ہے)

عدالت نے ملزم کو ایک لاکھ روپے کے مچلکے جمع کرانے کا حکم دیدیا۔ وکیل صفائی لیاقت علی خان گبول ایڈووکیٹ نے موقف دیا تھا کہ ملزم سے نا تو جعلی کرنسی برآمد ہوئی ہے نا ملزم اس میں ملوث ہے۔ جعلی کرنسی نوٹوں کے نمبرز مقدمے میں درج نہیں ہیں۔ ملزم کیخلاف کوئی شواہد ناکافی ہیں ضمانت منظور کی جائے۔ ملزم کیخلاف ٹیپو سلطان تھانے میں مقدمہ درج تھا۔