چودھری پرویزالٰہی کا سابق گورنر ذوالفقار علی خان کھوسہ کے انتقال پر اظہار تعزیت

ہفتہ 11 اپریل 2026 21:31

لاہور (اُردو پوائنٹ اخبارتازہ ترین - این این آئی۔ 11 اپریل2026ء) پاکستان تحریک انصاف کے مرکزی صدر و سابق وزیراعلیٰ پنجاب چودھری پرویزالٰہی نے سابق گورنر پنجاب بزرگ سیاستدان سردار ذوالفقار علی خان کھوسہ کے انتقال پر گہرے رنج و غم کا اظہار کیا ہے۔

(جاری ہے)

چودھری پرویزالٰہی نے ان کے صاحبزادوں سردار سیف الدین کھوسہ اور سردار حسام الدین کھوسہ سے ٹیلیفون پر گفتگو کرتے ہوئے کہا کہ مرحوم ایک نہایت منجھے ہوئے سیاستدان اور بہترین انسان تھے، ہم نے اکٹھے مل کر ملکی سیاست کے نشیب و فراز کا سامنا کیا ہے، ہم آپ کے غم میں برابر کے شریک ہیں، اللہ تعالیٰ ذوالفقار کھوسہ مرحوم کے درجات بلند فرمائے اور آپ سب کو صبر جمیل عطا فرمائے۔