امریکی اتھلیٹ ایلسن فیلکس کی چالیس برس کی عمر میں واپسی، لاس اینجلس اولمپکس 2028 پر توجہ مرکوز

منگل 28 اپریل 2026 16:56

لاس اینجلس(اُردو پوائنٹ اخبارتازہ ترین - این این آئی۔ 28 اپریل2026ء) امریکا کی مایہ ناز سپرنٹر ایلسن فیلکس نے 40 برس کی عمر میں ایک بار پھر میدان میں واپسی کا اعلان کر دیا ہے اور ان کی نظریں اپنے آبائی شہر میں منعقد ہونے والے لاس اینجلس اولمپکس 2028 پر مرکوز ہیں۔ای ایس پی این کے مطابق اولمپکس کی تاریخ میں خواتین اتھلیٹکس میں سب سے زیادہ 11 تمغے جیتنے والی ایلسن فیلکس اس سے قبل 2022 کی عالمی چیمپئن شپ میں آخری بار شریک ہوئیں جبکہ انہوں نے 2024 میں اپنے دوسرے بچے کو جنم دیا۔

ایلسن فیلکس نے کہا کہ لاس اینجلس میں ہونے والے اولمپکس ان کے لیے زندگی میں ایک بار ملنے والا موقع ہے، جو انہیں دوبارہ ٹریک پر لے آیا ہے۔ انہوں نے کہا کہ وہ حقیقت پسند ہیں اور جانتی ہیں کہ 40 برس کی عمر میں وہ اپنے عروج پر نہیں ہوں گی، تاہم وہ اس تجربے کو ضرور آزمانا چاہتی ہیں۔

(جاری ہے)

ایلسن فیلکس نے اپنے کیریئر میں 2012 لندن اولمپکس میں 200 میٹر دوڑ کا واحد انفرادی طلائی تمغہ جیتا۔

فور بائی فورہنڈرڈمیٹر ریلے میں 2008 سے لے کر ٹوکیو اولمپکس تک مسلسل کامیاب رہیں۔ اس کے علاوہ انہوں نے فور بائی ون ہنڈرڈ میٹر ریلے میں بھی 2012 اور 2016 میں طلائی تمغے حاصل کیے۔عالمی چیمپئن شپ میں بھی ان کا ریکارڈ بے مثال ہے، جہاں انہوں نے 20 تمغے جیت رکھے ہیں، جن میں 14 طلائی تمغے شامل ہیں۔انہوں نے 2024 پیرس اولمپکس بطور تماشائی شرکت کی اور کہا کہ اس دوران انہیں ملے جلے جذبات کا سامنا رہا۔

کبھی وہ اس ماحول سے لطف اندوز ہوئیں اور کبھی انہیں مقابلے میں حصہ لینے کی کمی محسوس ہوئی۔ایلسن فیلکس نے کہاکہ اگر وہ اس موقع پر واپسی کی کوشش نہ کریں تو انہیں اس کا افسوس رہے گا۔ انہوں نے امید ظاہر کی کہ چاہے نتیجہ کچھ بھی ہو، وہ اپنے بچوں کے ساتھ وہاں موجود ہوں گی اور دیگر کھلاڑیوں کی حوصلہ افزائی کریں گی۔

Facebook Twitter Google + Share on Whatsapp

امریکی اتھلیٹ ایلسن فیلکس کی چالیس برس کی عمر میں واپسی، لاس اینجلس اولمپکس 2028 پر توجہ مرکوز

متعلقہ عنوان :

مزید کھیلوں کی خبریں