بنگلہ دیش اورپاکستان کی کرکٹ ٹیموں کے درمیان پہلا ٹیسٹ جمعہ سے شروع ہو گا

جمعرات 7 مئی 2026 17:04

ڈھاکہ (اُردو پوائنٹ اخبارتازہ ترین - اے پی پی۔ 07 مئی2026ء) بنگلہ دیش اور پاکستان کی کرکٹ ٹیموں کے درمیان دو ٹیسٹ میچوں پر مشمتل سیریز کا پہلا میچ 8 مئی بروز جمعہ سے شروع ہوگا۔سپورٹس ویب سائٹ کے مطابق یہ میچ سیر بنگلہ نیشنل سٹیڈیم ڈھاکہ میں 8 سے 12 مئی تک کھیلا جائے گا۔

(جاری ہے)

پاکستان کی ٹیسٹ کرکٹ ٹیم ان دنوں بنگلہ دیش میں موجود ہے جہاں وہ میزبان بنگلہ دیش ٹیم کے خلاف دو ٹیسٹ میچوں کی سیریز کھیلے گی۔

ٹیسٹ سیریز میں پاکستان ٹیم کو مایہ ناز اوپننگ بلے باز شان مسعود لیڈ کریں گے جبکہ میزبان بنگلہ دیشی ٹیم نجم الحسن شانٹو کی زیر قیادت میدان میں اترے گی ۔ شیڈول کے مطابق بنگلہ دیش اور پاکستان کے مابین سیریز کا دوسرا اور آخری ٹیسٹ 16 سے 26 مئی تک سلہٹ انٹرنیشنل کرکٹ سٹیڈیم ،سلہٹ میں کھیلا جائے گا۔