مظفر گڑھ،ایف بی آر کی بڑی کارروائی، 205 ملین روپے کا اسمگل شدہ سامان ضبط کرلیا

مظفرگڑھ میں ٹرک سے 2700 کلو گرام سگریٹ فلٹر کا فوم برآمد ہوا جس کی مالیت 175.5 ملین روپے بنتی ہے،ایف بی آر

اتوار 3 مئی 2026 18:20

مظفر گڑھ (اُردو پوائنٹ اخبارتازہ ترین - این این آئی۔ 03 مئی2026ء) ایف بی آر نے مظفر گڑھ میں کارروائی کرتے ہوئے کروڑوں روپے مالیت کا اسمگل شدہ سامان ضبط کر لیا۔

(جاری ہے)

ایف بی آر کی جانب سے جاری اعلامیے کے مطابق اے ایس او ملتان نے مظفر گڑھ میں کارروائی کرتے ہوئے 204.9 ملین روپے مالیت کا اسمگل شدہ سامان ضبط کر لیا۔ایف بی آر اعلامیے میں بتایا گیا ہے کہ مظفرگڑھ میں ٹرک سے 2700 کلو گرام سگریٹ فلٹر کا فوم برآمد ہوا جس کی مالیت 175.5 ملین روپے بنتی ہے۔شیرشاہ موٹروے پر کنٹینر سے غیر ملکی سگریٹس اور خشخاش کے بیج برآمد ہوئے، 135 کارٹن سگریٹس اور 505 بوریاں خشخاش قبضے میں لی گئیں جن کی مالیت بھی کروڑوں روپے ہے۔