ڈیٹا بیس والوں نے کرکٹ کو تباہ کردیا، باسط علی

کس نے بولا ہے کہ آپ لیفٹ رائٹ کمبی نیشن اپنائیں : سابق ٹیسٹ کرکٹر

ذیشان مہتاب منگل 5 مئی 2026 14:48

ڈیٹا بیس والوں نے کرکٹ کو تباہ کردیا، باسط علی

لاہور (اردو پوائنٹ تازہ ترین اخبار ۔ 5 مئی 2026ء ) سابق ٹیسٹ کرکٹر باسط علی کا کہنا ہے کہ ڈیٹا بیس جو آئے ہوئے ہیں انہوں نے کرکٹ کو تباہ کردیا ہے۔ نجی ٹی وی اے آر وائی نیوز کے پروگرام میں پی ایس ایل 11 کے فائنل میچ سے متعلق سابق کرکٹر باسط علی نے کہا کہ حیدرآباد کنگزمین کے رنز کرنے والے کھلاڑی جلدی آؤٹ ہوگئے۔ انہوں نے کہا کہ عثمان خان کو نیچے کے نمبر پر بھیج دیا، عرفان نیازی کو اوپر بھیج کر آپ نے غلط کیا اس کے بعد گلین میکسویل کو بھیج دیا گیا۔

(جاری ہے)

باسط علی نے کہا کہ مارنس لبوشین نے فیلڈنگ میں کپتانی اچھی کی، بابر اور مینڈس کی وکٹ حاصل کی گئی لیکن بیٹنگ کے دوران لیفٹ رائٹ کمبی نیشن اپنا کر غلط فیصلہ کیا گیا۔ سابق کرکٹر نے کہا کہ یہ جو ڈیٹا بیس آئے ہوئے ہیں انہوں نے کرکٹ کو تباہ کردیا ہے کس نے بولا ہے کہ آپ لیفٹ رائٹ کمبی نیشن اپنائے۔ انہوں نے کہا کہ صائم ایوب نے نصف سنچری اسکور کی اس سے پہلے بولنگ کروانی چاہیے تھی کیونکہ اس کا دن اچھا تھا۔ واضح رہے کہ گزشتہ روز پی ایس ایل 11 کے فائنل میں پشاور زلمی نے حیدرآباد کنگزمین کو شکست دے کر دوسری مرتبہ ٹائٹل اپنے نام کیا۔