سنسرشپ مسائل ، سنجے دت کی فلم آخری سوال کی ریلیز ڈیٹ ملتوی ہو گئی

بدھ 6 مئی 2026 23:06

ممبئی (اُردو پوائنٹ اخبارتازہ ترین - آن لائن۔ 06 مئی2026ء) بالی ووڈ اداکار سنجے دت کی آنیوالی فلم آخری سوال 8سنسر شپ مسائل کا شکار ہو گئی ۔ جس کے بعد فلم طے شدہ تاریخ آٹھ مئی کو سینما گھروں میں ریلیز نہیں ہو سکے گی ۔ذرائع کے مطابق سینٹرل بورڈ آف فلم سرٹیفیکیشن نے ابھی تک نہ صرف فلم بلکہ اس کے ٹریلر کو بھی منظوری نہیں دی۔

(جاری ہے)

فلم کے حساس موضوع اور تاریخی پس منظر کی وجہ سے بورڈ کے اراکین احتیاط سے کام لے رہے ہیں، جس کے باعث منظوری کا عمل تاخیر کا شکار ہو گیا ہے۔

فلم کے پروڈیوسرز نے سی بی ایف سی کو مؤقف دیا ہے کہ یہ فلم تاریخی واقعات اور ریکارڈز پر مبنی ہے، اس لیے اسے ریلیز کی اجازت دی جانی چاہیے۔ تاہم، مسلسل بات چیت کے باوجود ابھی تک کوئی حتمی فیصلہ سامنے نہیں آیا۔اب فلم کے میکرز 15 مئی کو نئی ریلیز ڈیٹ کے طور پر دیکھ رہے ہیں، بشرطیکہ سنسر سرٹیفکیٹ وقت پر مل جائے۔ اس حوالے سے باضابطہ اعلان جلد متوقع ہے۔