بھارتی پولیس نے سوپور میں آزادی پسند کارکن کی جائیداد ضبط کر لی

اتوار 17 مئی 2026 13:15

سرینگر(اُردو پوائنٹ اخبارتازہ ترین - این این آئی۔ 17 مئی2026ء) غیرقانونی طورپر بھارت کے زیر قبضہ جموں وکشمیر میں پولیس نے کالے قانون کے تحت ایک اور حریت پسند کی غیر منقولہ جائیداد ضبط کر لی ہے۔کشمیرمیڈیاسروس کے مطابق یہ جائیداد ضلع بارہمولہ میں سوپور کے علاقے نادیہال رفیع آباد کے رشیدالدین قریشی ولد عبدالکبیر قریشی کی ملکیت ہے۔

(جاری ہے)

ضبط کی گئی جائیداد میں 02 کنال اراضی شامل ہے جو لشدجی نادیہال میں واقع ہے ۔

مقبوضہ جموں و کشمیر میں آزادی پسند کارکنوں کے خلاف جاری کارروائیوں میں گزشتہ تین دنوں کے دوران یہ تیسری ضبطی ہے۔قابض حکام نے بتایا کہ اس طرح کی کارروائیاں تحریک آزادی کے حامیوں کو نشانہ بنانے کا حصہ ہیں۔مقامی لوگوں کا کہنا ہے کہ بھارت علاقے میں آبادی کا تناسب تبدیل کرنے کے لیے مختلف بہانوں سے بے گناہ کشمیریوں کی املاک پر قبضہ کررہا ہے۔