ٹیلنٹ برج پاکستان کے زیرِ اہتمام تقریب تقسیم تعریفی ایوارڈ 2026

کراچی (اُردو پوائنٹ اخبارتازہ ترین - این این آئی۔ 21 مئی2026ء) ٹیلنٹ برج پاکستان کی جانب سے عید ملن اور‘‘جشن و تعریفی ایوارڈ 16 مئی 2026’’کی ایک نہایت پروقار اور شاندار تقریب ڈی ایچ اے بیچ ویو کلب میں منعقد کی گئی۔ تقریب کے آرگنائزرز یاسمین شہزاد اور شہزاد یوسف پٹنی تھے ،جبکہ انداز ٹی وی کے نعیم قمر اور زاہدہ بیگم ویلفیئر ٹرسٹ سمیت ٹیلنٹ برج پاکستان کی ٹیم نے بھرپور تعاون کیا۔

تقریب میں مختلف شعبہ ہائے زندگی سے تعلق رکھنے والی نامور شخصیات، سماجی کارکنان، میڈیا نمائندگان، فنکار، پولیس فورس کے جوان اور دیگر معزز شخصیات نے بڑی تعداد میں شرکت کی۔ اس ایوارڈ تقریب کا مقصد معاشرے میں نمایاں خدمات انجام دینے والی شخصیات کی حوصلہ افزائی اور ان کی خدمات کو خراجِ تحسین پیش کرنا تھا۔

(جاری ہے)

تقریب کے چیف گیسٹ بریگیڈیئر سید قرار حسین تھے۔

اس موقع پر وی آئی پی مہمانوں میں ایم پی اے پی ایس-90 شارق جمال (ایم کیو ایم پاکستان)، ڈاکٹر صدیق پٹنی (بین الاقوامی کرکٹر و سماجی کارکن)، شمائلہ ناصر خان (سینئر نعت خواں، اے آر وائی کیو ٹی وی و پی ٹی وی)، زرمینہ مستوری (سینئر اینکر پرسن و اسکالر)، عشرت باجی، سید جاوید سائیں (تاجر و سماجی شخصیت) نے شرکت کی۔اس کے علاوہ مختلف اداروں سے تعلق رکھنے والی نمایاں شخصیات بھی موجود تھیں جن میں رضوان علی خان (سینئر بینکر)، سلیم خان (ایڈمنسٹریٹر رشیدہ ہسپتال)، ڈی ایس پی نعیم اختر خان، سپرنٹنڈنٹ آف کسٹمز شمیم اختر خان، ایس ایس پی چنگیز علی خان اور وائس پریزیڈنٹ ایچ بی ایل طاہر اختر خان شامل تھے۔

تقریب کی ایک اہم اور قابلِ ذکر بات یہ تھی کہ ان مرحوم شخصیات کو بھی خصوصی ایوارڈز سے نوازا گیا جنہوں نے اپنی زندگی میں نمایاں خدمات انجام دیں۔ ان میں ایس ایس پی مرحوم نوشاد علی خان، طارق اختر خان (سابق سینئر صدر نیشنل بینک آف پاکستان)، نشاط اختر (مرحوم ڈی ایس پی) اور خالد اختر خان (سابق نائب صدر نیشنل بینک آف پاکستان) شامل تھے۔ ان کی خدمات کو زبردست خراجِ تحسین پیش کیا گیا۔

وی آئی پی مہمانوں اور شرکاء میں مزید شامل شخصیات: محمد ریاض الرحمان (سماجی کارکن)، ڈاکٹر سید عبدالوحید (بانی زاہدہ بیگم ویلفیئر ٹرسٹ)، پردیپ ملانی (سینئر سماجی کارکن)، محمد عمران اعوان (نعت خواں و چیئرمین سہروردیہ فاؤنڈیشن)، محمد علی (اسسٹنٹ پروڈیوسر)، قاری حافظ لبید قادری (نعت خواں)، حنا حبیبہ (26 زبانوں میں نعت خواں)، حافظ محمد آصف (نعت خواں)، عمیمہ شہزاد، حافظہ اسماء فاطمہ (QTV و ARY پوزیشن ہولڈر)، میمونہ بتول، حافظہ پلوشہ رحمان، عنبرین جمشید، سیدہ شیزا عمیر، بشریٰ فیضان، اشرہ وارثی (فنکار و نعت خواں)، سیدہ ہامنا عرفان (ٹیم ممبر)، صائمہ عابد (نعت خواں)، سی ای او ایس اے بیوٹی سیلون، اور سی ای او ٹی ایم عبایا کلیکشن سمیت دیگر شخصیات شامل تھیں۔

مقررین نے خطاب کرتے ہوئے کہا کہ ٹیلنٹ برج پاکستان گزشتہ کئی برسوں سے باصلاحیت افراد کو ایک مؤثر پلیٹ فارم فراہم کر رہا ہے اور ان کی حوصلہ افزائی کے لیے اہم کردار ادا کر رہا ہے۔ انہوں نے کہا کہ ایسے پروگرام معاشرے میں مثبت سوچ، اتحاد، اور نوجوان نسل کی صلاحیتوں کو اجاگر کرنے میں اہم کردار ادا کرتے ہیں۔تقریب کے اختتام پر منتظمین کی جانب سے تمام معزز مہمانوں، میڈیا نمائندگان اور شرکاء کا شکریہ ادا کیا گیا اور مستقبل میں بھی اسی طرح مثبت اور تعمیری سرگرمیوں کے تسلسل کے عزم کا اظہار کیا گیا۔