ناظم تعلقات عامہ آزاد حکومت نے سینٹرل یونین آف جرنلسٹس ضلع مظفرآباد کے نومنتخب عہدیداران کو مبارکباد

ہفتہ 30 مئی 2026 16:31

مظفرآباد(اُردو پوائنٹ اخبارتازہ ترین - این این آئی۔ 30 مئی2026ء) ناظم تعلقات عامہ آزاد حکومت ریاست جموں و کشمیر طارق جمیل درانی نے سینٹرل یونین آف جرنلسٹس ضلع مظفرآباد کے نومنتخب عہدیداران کو مبارکباد پیش کی ہے۔

(جاری ہے)

اپنے تہنیتی بیان میں انہوں نے نومنتخب صدر مرزا شہزاد، سینئر نائب صدر گلشاد بٹ، نائب صدر جاوید عباسی، سیکرٹری جنرل سید شبیر حسین شاہ، ایڈیشنل سیکرٹری جنرل رانا محمد الیاس، جوائنٹ سیکرٹری اکبر مغل، سیکرٹری مالیات سید باسر علی، سیکرٹری اطلاعات مدیحہ عباسی، ممبران مجلس عاملہ ہارون مظفر قریشی اور راجہ رشید کے لیے نیک خواہشات کا اظہار کیا۔

طارق جمیل درانی نے کہا کہ صحافی برادری معاشرے میں شعور و آگاہی کے فروغ میں اہم کردار ادا کرتی ہے۔ انہوں نے امید ظاہر کی کہ نومنتخب قیادت صحافیوں کی فلاح و بہبود، پیشہ ورانہ ترقی اور ذمہ دارانہ صحافت کے فروغ کے لیے اپنی صلاحیتوں کو بروئے کار لائے گی اور صحافتی برادری کی توقعات پر پورا اترے گی۔