لیونل میسی نے فٹبال ورلڈ کپ کی تاریخ میں گولز کا ایک اور سنگِ میل عبور کرلیا

میسی ورلڈ کپ کے اب تک کے سب سے زیادہ اسکورر ہیں ،ٹورنامنٹ میں 30 میچ کھیلنے والے پہلے کھلاڑی بن گئے

ذیشان مہتاب اتوار 5 جولائی 2026 14:48

لیونل میسی نے فٹبال ورلڈ کپ کی تاریخ میں گولز کا ایک اور سنگِ میل عبور ..

نیویارک (اردو پوائنٹ تازہ ترین اخبار۔ 5 جولائی 2026ء) ارجنٹینا کے کپتان لیونل میسی نے فٹبال ورلڈ کپ کی تاریخ میں گول کا ایک اور سنگِ میل عبور کرلیا ہے۔

فیفا ورلڈ کپ میں گزشتہ روز کھیلے گئے میچ میں ارجنٹینا نے کیپ وردے کو 2-3 سے شکست دے کر پری کوارٹر فائنل میں جگہ بنالی ہے۔

کپتان نے ایک بار گیند کو جال میں پہنچایا جبکہ اضافی وقت میں میسی کے کارنر پر تیسرا گول اسکور ہوا جو ان کی کامیابی کا سبب بنا۔

(جاری ہے)

یہ فیفا ورلڈ کپ 2026 میں ان کا ساتواں گول تھا، انہوں نے قطر میں ہونے والے ٹورنامنٹ کے 2022 ایڈیشن میں بھی سات گول کیے تھے۔

میسی ورلڈ کپ کے اب تک کے سب سے زیادہ اسکورر ہیں اور کیپ وردے کے خلاف میچ کے بعد ٹورنامنٹ میں 30 میچ کھیلنے والے پہلے کھلاڑی بن گئے۔

میسی نے ورلڈ کپ 2026 میں کئی ریکارڈ اپنے نام کر لیے ہیں۔

ارجنٹینا کے کپتان ایلیٹ ٹورنامنٹ میں لگاتار سات میچوں میں گول کرنے والے پہلے کھلاڑی بن کر فٹبال کی تاریخ رقم کر گئے، انہوں نے یہ سنگ میل ارجنٹائن کے گروپ جے کے آخری میچ میں اردن کے خلاف 3-1 سے جیت کے دوران حاصل کیا تھا۔