فیفا ورلڈکپ: ٹرمپ کی مداخلت پر فیفا نے امریکی فٹبالر کی ایک میچ کی معطلی روک دی، تنازع کھڑا ہوگیا

بیلجیئم فٹبال ایسوسی ایشن نے فیصلے پر شدید حیرت کا اظہار کرتے ہوئے قانونی آپشنز پر غور شروع کر دیا

ذیشان مہتاب پیر 6 جولائی 2026 10:40

فیفا ورلڈکپ: ٹرمپ کی مداخلت پر فیفا نے امریکی فٹبالر کی ایک میچ کی معطلی ..

واشنگٹن (اردو پوائنٹ تازہ ترین اخبار ۔ 6 جولائی 2026ء ) فٹبال کی عالمی تنظیم فیفا نے امریکی صدر ڈونلڈ ٹرمپ کی درخواست پر امریکی فٹبال ٹیم کو بیلجیئم کے خلاف پری کوارٹر فائنل کے میچ سے پہلے بڑا ریلیف دے دیا۔

فیفا نے ریڈ کارڈ کے نتیجے میں امریکی ٹیم کے اہم کھلاڑی فلورین بالوگن کی ایک میچ کی معطلی روک دی۔

خبر ایجنسی کے مطابق فیفا نے بالوگن کی معطلی پر عملدرآمد ایک سال کے لیے معطل کر دیا۔

(جاری ہے)

2 جولائی کو امریکی فٹبالر بالوگن کو بوسنیا ہرزگوینا کے خلاف میچ میں ریڈ کارڈ دکھایا گیا تھا اور ایک میچ کیلئے معطل کر دیا گیا تھا۔

رپورٹس کے مطابق امریکی صدر ڈونلڈ ٹرمپ نے فیفا کے صدر سے ریڈ کارڈ سے متعلق فیصلے پر نظرثانی کی درخواست کی تھی۔ تاہم اب فیفا نے امریکی ٹیم کے کھلاڑی فلورین بالوگن کی بیلجیئم کے خلاف 7 جولائی کے میچ کیلئے معطلی روک دی ہے۔

صدر ڈونلڈ ٹرمپ نے فیصلے کا خیرمقدم کرتے ہوئے فیفا کا شکریہ ادا کیا۔