چیئرمین بورڈ آف انٹرمیڈیٹ اینڈ سیکنڈری ایجوکیشن سرگودھا کا یونیورسٹی آف سرگودھا کا دورہ

جمعرات 23 جولائی 2026 23:21

سرگودھا (اُردو پوائنٹ اخبارتازہ ترین - اے پی پی۔ 23 جولائی2026ء) چیئرمین بورڈ آف انٹرمیڈیٹ اینڈ سیکنڈری ایجوکیشن سرگودھا عباس حیدر گوندل نے یونیورسٹی آف سرگودھا کا دورہ کیا اور وائس چانسلر پروفیسر ڈاکٹر قیصر عباس سے ملاقات کی۔ملاقات کے دوران یونیورسٹی میں جاری تعلیمی، تحقیقی، تعمیراتی اور مختلف پراجیکٹس پر گفتگو کی گئی۔ وائس چانسلر نے چیئرمین بورڈ کو بتایا کہ سرگودھا یونیورسٹی گذشتہ تین برس میں اپنی کارکردگی کی بنیاد پر علمی افق کا ایک روشن ستارہ بن چکی ہے اور تحقیق کے شعبہ میں ملک بھر کی صفِ اوّل کی جامعہ ہے۔

وائس چانسلر نے مزید بتایا کہ یونیورسٹی صرف ڈگری دینے کا کام نہیں کر رہی بلکہ طلبہ کو مہارتوں سے لیس کر کے انہیں کارآمد شہری بنا رہی ہے۔

(جاری ہے)

انہوں نے کہا کہ سرگودھا یونیورسٹی بورڈ آف انٹرمیڈیٹ اینڈ سیکنڈری ایجوکیشن میں ٹاپ 5 پوزیشن حاصل کرنے والے طالب علموں کو مفت تعلیم دینے کا جلد فیصلہ کرے گی۔ اس موقع پر عباس حیدر گوندل نے کہا کہ یہ جان کر بہت خوشی ہوئی کہ یونیورسٹی آف سرگودھا جدید تقاضوں اور معاشرتی ضروریات سے ہم آہنگ تعلیمی پروگرامز کے ذریعے جدید تعلیم کے مواقع فراہم کررہی ہے اور چند سالوں میں پروفیسر ڈاکٹر قیصر عباس نے یونیورسٹی میں جو اصلاحات کیں وہ ہر حوالے سے غیر معمولی ہیں۔

علاوہ ازیں عباس حیدر گوندل نے وزیر آغا لائبریری، یونیورسٹی کیفے ٹیریا، ون ہیلتھ یونٹ، یونیورسٹی ہسٹری وال، وحید وائیں انکیوبیشن سنٹر،یو او ایس ٹی وی زبیدہ آغا آرٹ گیلری، سہولت سنٹر، یونیورسٹی جم اور مختلف شعبہ جات کا بھی دورہ کیا۔ اس موقع پر یونیورسٹی آف سرگودھا کے پرو وائس چانسلر پروفیسر ڈاکٹر مسعود سرور اعوان، ڈائریکٹر اکیڈمکس ڈاکٹر عظمیٰ شہزادی، چیئرمین شعبہ ابلاغیات ڈاکٹر مدثر حسین شاہ اور چیئرپرسن انسٹیٹیوٹ آف آرٹ اینڈ ڈیزائن مریم سیف بھی موجود تھیں۔

Facebook Twitter Google + Share on Whatsapp

چیئرمین بورڈ آف انٹرمیڈیٹ اینڈ سیکنڈری ایجوکیشن سرگودھا کا یونیورسٹی آف سرگودھا کا دورہ

متعلقہ عنوان :

مزید تعلیم کی خبریں