پاکستان سمیت دنیا بھرمیں ٹائیگرزکی حفاظت کا عالمی دن ورلڈ ٹائیگرڈے (آج) منایا جائے گا

منگل 28 جولائی 2026 11:25

مکوآنہ(اُردو پوائنٹ اخبارتازہ ترین - این این آئی۔ 28 جولائی2026ء) پاکستان سمیت دنیا بھر میں ٹائیگرز کی حفاظت کا عالمی دن ورلڈ ٹائیگر ڈی(آج) 29جولائی کومنایا جائے گااس دن کے منانے کا مقصد فیصل آباد سمیت دنیا بھر میں ٹائیگرز کی حفاظت اور انہیں قدرتی ماحول کی فراہمی کے متعلق شعور و آگہی فراہم کرنا ہے۔اس دن کے حوالے سے محکمہ جنگلی حیات،جانوروں کے حقوق کیلئے سرگرم تنظیموں اور چڑیا گھروں کی انتظامیہ کے زیر اہتمام مختلف تقریبات کا اہتمام کیا جائے گاجس میں خوبصورتی اور جنگلی حیات کی بقا کیلئے ٹائیگرز کی اہمیت کو اجاگر کیا جائے گا۔

ٹائیگر کئی ممالک خصوصا ایشیائی ممالک کا قومی جانور ہے اس کا شمار دنیا کے خطرناک ترین جانوروں میں کیا جاتا ہے یہ قوت اور طاقت میں اپنی مثال آپ ہے ٹائیگر کی بہت سی اقسام ہیں جو کہ جنوبی بھارت ،بنگلادیش،نیپال،بھوٹان،برما،تھائی لینڈ،ملائشیا،انڈونیشیا،کمبوڈیا،ویت نام،چائنہ،روس اور مختلف ایشیائی ممالک میںپائے جاتے ہیں ان میں بنگالی اور سائبیرین ٹائیگر دنیا کے تیز رفتار جانوروں میں شامل ہیں۔

(جاری ہے)

ایک رپورٹ کے مطابق دنیا بھر میں ٹائیگرز کی تعداد میں خطرناک حد تک کمی ہو رہی ہے ایشیا بھر میں ٹائیگرزکی تعداد ایک لاکھ کے لگ بھگ تھی جو کہ کم ہو کر ساڑھے تین ہزار تک رہ گئی ہے مختلف ممالک میں ٹائیگرز کی افزائش نسل اور ان کی حفاظت کیلئے تنظیموں سرگرم عمل ہیں۔