ملک کی موجودہ معاشی صورتحال اور عوامی مشکلات کا حل صرف جماعت اسلامی کے پاس ہے ،آنسہ اشفاق

پیر 3 اگست 2026 13:58

سرگودھا(اُردو پوائنٹ اخبارتازہ ترین - این این آئی۔ 03 اگست2026ء) جماعت اسلامی شمالی پنجاب کی نائب ناظمہ آنسہ اشفاق نے کہا کہ ملک کی موجودہ معاشی صورتحال اور عوامی مشکلات کا حل صرف جماعت اسلامی کے پاس ہے جس کے لئے ہر شہری جماعت اسلامی کے پلیٹ فارم پر متحد ہونا ہو گا۔ زرائع کے مطابق جماعت اسلامی شمالی پنجاب ناظمہ آنسہ اشفاق نے سرگودھا مرکز آمد پر بات چیت کرتے ہوئے کہا کہ ملک اس وقت معاشی بحران، مہنگائی اور عوامی مشکلات کا شکار ہے اور وفاقی بجٹ کی آمد سے قبل ہی عوام سخت معاشی دبا ئوکا شکار رہے۔

پیٹرولیم مصنوعات کی قیمتوں میں یومیہ ردوبدل اور اضافے سے عوام کے لئے سفری اخراجات مشکل ہو رہے ہیں۔انہوں نے کہا کہ گیس کی قیمتوں میں اضافہ اور قلت نے عوام کی زندگی کو مشکل بنا رکھا ہے۔

(جاری ہے)

بجلی کے نرخوں میں اضافہ اور فیکس ٹیکس سمیت اضافی ٹیکسوں سے بھاری بل لوگوں کی پہنچ سے باہر ہو چکے ہیں۔ان کا کہنا تھا کہ روز مرہ سمیت اشیائے خوردونوش، ادویات، تعلیمی اخراجات اور دیگر بنیادی ضروریاتِ کی قیمتوں میں غیر معمولی اضافہ عوام کی قوتِ خرید کو ختم کرتا جا رہا ہے۔

مزدور طبقہ، دیہاڑی دار افراد، کسان، سرکاری و نجی ملازمین اور متوسط طبقہ شدید مالی دبا کے شکار ہیں۔ ہماری نوجوان نسل بے روزگاری اور محدود معاشی مواقع کے باعث مایوسی اور بے یقینی کی کیفیت میں مبتلا ہو کر بیرون ملک جانے کی کاوشوں میں مصروف ہیں۔ایسے حالات میں فوری، مثر قابل عمل ریلیف وقت کی ضرورت ہیں۔ایسے حالات کے باعث ملک میں کاروباری سرگرمیاں متاثر اور غربت میں اضافہ ہو رہا ہے۔

انہوں نے حکومت سے مطالبہ کیا کہ پیٹرولیم مصنوعات کی قیمتوں میں کمی کی جائے۔گیس کی قیمتوں میں اضافہ واپس لیا جائے اور گیس کی بلا تعطل فراہمی کو یقینی بنایا جائے، بجلی کے نرخوں میں اضافہ اور فیکس ٹیکس کو واپس لیا جائے۔ آئندہ وفاقی بجٹ میں نئے ٹیکسوں اور عوام پر اضافی مالی بوجھ ڈالنے سے اجتناب کیا جائے۔ اشیائے خوردونوش اور دیگر ضروریاتِ زندگی کی قیمتوں کو کنٹرول کرنے کے لیے مثر اقدامات اٹھائے جائیں۔

نوجوانوں کے لیے روزگار کے مواقع پیدا کیے جائیں اور بے روزگاری کے خاتمے کے لیے جامع پالیسی مرتب کی جائے۔کم آمدنی والے اور متوسط طبقہ کے لیے خصوصی ریلیف پیکج اور ٹیکس مراعات متعارف کروائی جائیں۔ عوامی فلاح، روزگار، تعلیم، صحت اور بنیادی سہولیات کے لیے خاطر خواہ فنڈز مختص کیے جائیں۔اس موقع پر ان کے ہمراہ دیگر خواتین رہنماں نے اظہار یک جہتی کرتے ہوئے جماعت اسلامی کے پلیٹ فارم پر متحد کرنے کے لوگوں کو دعوت فکر دی۔اخر میں ملک کی سلامتی بقا اور استحکام کی دعا کی گئی۔