پاکستان آسانی سے نہیں بنا ،مسلمانان برصغیر نے بڑی قربانیاں دیں،نوید علی بیگ

ہر پاکستانی کو اپنے حصے کا کردار ادا کرنا ہوگا ،چیف ایگزیکٹو الخدمت ، مرکزی دفتر میں پرچم کشائی ،یوم آزادی کا کیک کاٹااور پودابھی لگایا

جمعرات 13 اگست 2026 21:55

کراچی(اُردو پوائنٹ اخبارتازہ ترین - این این آئی۔ 13 اگست2026ء) الخدمت کراچی کی جانب سے پاکستان کے 79ویں جشن آزادی کے موقع پرتقریبات کا ا ہتمام ،گزشتہ روز الخدمت کراچی ہیڈ آفس پر پرچم کشائی کی گئی اور کیک کاٹا گیا ،پاکستان کو سرسبز شاداب بنانے کے عزم کے ساتھ پودا بھی لگایا گیا اور خصوصی دعاکی گئی ۔اس موقع پر چیف ایگز یکٹو الخدمت نوید علی بیگ اور ایگزیکٹو ڈائریکٹر راشد قریشی نے کیا ،اس موقع پرڈائریکٹر بنو قابل پروگرام فاروق کاملانی ،ڈائریکٹر ڈائیگنوسٹک سروسز ڈاکٹر عظیم الدین ،ڈائریکٹر والنٹیئر پروگرام یوسف محی الدین ،الخدمت کے ذمہ داران ،منیجرز اور کارکنان شریک تھے ۔

چیف ایگز یکٹو الخدمت کراچی نو ید علی بیگ نے کہا ہے کہ پاکستان آسانی سے نہیں بنا اس کیلئے مسلمانان بر صغیر نے بڑی قرنانیاں دی ہیں ۔

(جاری ہے)

سایہ ذوالجلا مسلمانان برصغیر پر تھا جب انہوں نے تحریک آزادی پاکستان میں جوش وخروش کے ساتھ حصہ لیا ،،ان خیالات کا اظہار انہوں نے الخدمت کے مرکزی آفس میں یوم آزادی پاکستان کے سلسلے میں پرچم کشائی اور پاکستان کی 79ویں سالگر ہ کا کیک کاٹنے کی تقریب سے خطاب کرتے ہوئے کیا ۔

تقریب سے خطا ب میں نوید علی بیگ نے کہا کہ کہ کانگر یس سب سے بڑی جماعت تھی اس وقت وہ پاکستان بننے کی مخالف تھی اس وقت بھی مسلمانوں پر سایہ ذوالجلال تھا ،قائد اعظم اپنے موقف سے پیچھے ہٹے نہ ہی کسی دباؤ میں آئے اس وقت بھی ان پر سایہ ذوالجلال تھا ۔یہ اللہ کا کرم وفضل ہے کہ اللہ تعالیٰ نے ہمیں ہر مشکل سے نکالا اور ہمیں آزاد پاکستان عطا کیا ۔

اس وقت سوچنے کی ضرورت ہے کہ ہماری کیا ذمہ داری ہے ،ہماری یہ ذمہ داری بنتی ہے کہ ہم ملک میں اسلامی نظام نافذ کریں ،پاکستان کے ہر فرد کی ذمہ داری ہے کہ وہ اس کی ترقی میں اپنے حصے کا کردار ادا کرے ،ہمیں اس ملک کے نوجوانوں کو آگے لے جانا ہے، تقریب کے اختتام پر نوید علی بیگ ودیگر ذمہ داران نے پرچم کشائی کی، پاکستان کی 78ویں سالگر ہ کا کیک کاٹا اور یوم آزادی پاکستان کی مناسبت سے پودا لگا کر اسے پانی دیا ۔