ساحرعلی بگا ملتان سٹیڈیم میں نیشنل چیمپئنز کپ کے فائنل کے اختتام پر میوزیکل پرفارمنس پیش کریں گے،پی سی بی

پیر 17 اگست 2026 15:11

لاہور (اُردو پوائنٹ اخبارتازہ ترین - اے پی پی۔ 17 اگست2026ء) معروف گلوکار ساحر علی بگا منگل کی شب ملتان کرکٹ سٹیڈیم میں نیشنل چیمپئنز کپ کے فائنل کے اختتام پر میوزیکل پرفارمنس پیش کریں گے۔ پاکستان کرکٹ بورڈ کے مطابق اس موقع پر سٹیڈیم میں داخلہ شائقین کے لیے مفت ہوگا، جبکہ ملتان اور گردونواح کے شہریوں کو کرکٹ ایکشن کے ساتھ موسیقی سے بھی لطف اندوز ہونے کے لیے سٹیڈیم آنے کی دعوت دی گئی ہے۔

(جاری ہے)

ال بطال پریزینٹس یونیورسٹی آف لاہور نیشنل چیمپئنز کپ کا 50 اوورز کا فائنل شاداب خان کی رواج پاکستان گرینز اور شاہین شاہ آفریدی کی اسپارکو پینٹس پاکستان گولڈ کے درمیان کھیلا جائے گا، جس کا ٹاس دوپہر 2 بجکر 30 منٹ پر ہوگا۔فائنل میں فخر زمان، شاداب خان، فہیم اشرف، نسیم شاہ، محمد حسنین، مہران ممتاز، شاہین شاہ آفریدی، حیدر علی اور کامران غلام سمیت کئی سٹار کھلاڑی ایکشن میں نظر آئیں گے۔ فائنل کے بعد ساحر علی بگا کی پرفارمنس شائقین کی تفریح کو چار چاند لگائے گی۔