نائب وزیراعظم سینیٹر محمد اسحاق ڈار کا ترکی کے وزیر خارجہ سے ٹیلیفونک رابطہ

پیر 17 اگست 2026 22:21

اسلام آباد(اُردو پوائنٹ اخبارتازہ ترین - آن لائن۔ 17 اگست2026ء) پاکستان اور ترکیہ نے علاقائی چیلنجز سے نمٹنے اور امن و استحکام کو فروغ دینے کے لیے بات چیت اور سفارت کاری آگے بڑھنے پر اتفاق کیا ہے ۔

(جاری ہے)

ترجمان وزارت خارجہ کے مطابق نائب وزیراعظم/وزیر خارجہ سینیٹر محمد اسحاق ڈار کا ترکی کے وزیر خارجہ سے ٹیلیفونک رابطہ ہوا۔دونوں وزرائے خارجہ نے حالیہ علاقائی پیش رفت پر تبادلہ خیال کیا اور دونوں رہنماوں نے باہمی دلچسپی کے امور پر تعاون کو مزید مضبوط بنانے کے عزم کا اعادہ کیا۔ترجمان دفتر خارجہ کے مطابق علاقائی چیلنجز سے نمٹنے اور امن و استحکام کو فروغ دینے کے لیے بات چیت اور سفارت کاری آگے بڑھنے پر اتفاق کیا گیا۔