اقوام متحدہ کی کابل کے تعلیمی مرکز میں دھماکے کی مذمت، واقعے کی تحقیقات کا مطالبہ

بدھ 19 اگست 2026 11:44

اقوام متحدہ (اُردو پوائنٹ اخبارتازہ ترین - اے پی پی۔ 19 اگست2026ء) اقوام متحدہ نے کابل کے ایک تعلیمی مرکز میں دھماکے کی مذمت کرتے ہوئے واقعے کی فوری تحقیقات کا مطالبہ کیا ہے۔

(جاری ہے)

شنہوا کے مطابق اقوام متحدہ کے معاون مشن برائے افغانستان نے سوشل میڈیا اکاؤنٹ پر بتایا کہ پیر کو کابل کے ایک تعلیمی مرکز میں ہونے والے دھماکے میں 9 سے 14 سال کی عمر کے 42 بچے زخمی ہوئے۔افغانستان میں اقوام متحدہ کے معاون مشن یو این اے ایم اےنے زخمی بچوں اور ان کے اہلخانہ سے اظہارِ ہمدردی کرتے ہوئے واقعے کے حالات کا تعین کرنے کے لیے تحقیقات کا مطالبہ کیا۔ مشن نے اس بات پر بھی زور دیا کہ سکولوں اور تعلیمی مراکز کو محفوظ رکھا جانا چاہیے۔اب تک کسی گروہ یا فرد نے اس حملے کی ذمہ داری قبول نہیں کی ہے۔